తనపై వచ్చిన రూమర్స్ అన్నింటికీ ఒక్కొక్కటిగా చెక్ పెట్టుకుంటూ వస్తోంది నటి పూజా హెగ్డే. ఇటీవలే ఆమె నటిస్తున్న ఓ సినిమా ప్రొడ్యూసర్ తనకు ఓ కాస్ట్లీ కారు గిఫ్ట్గా ఇచ్చారన్న వార్తపై ఓ ఇంటర్వ్యూలో స్పందించింది. అవన్నీ పుకార్లని స్పష్టం చేసింది. ఇటీవలే తన డేటింగ్ రూమర్స్ను కొట్టిపారేసిన పూజ.. ఇప్పుడు వచ్చిన వార్తలో ఏ మాత్రం నిజం లేదని తెలిపింది.
బాలీవుడ్ హీరో హృతిక్ రోషన్ లీడ్ రోల్లో తెరకెక్కిన హిస్టరీ ఫిల్మ్ 'మొహన్జుదారో'తో బీటౌన్కు పరిచయమయ్యింది పూజ. ఆ తర్వాత 'హౌస్ఫుల్ 4' సినిమాలోనూ నటించింది. అయితే ఆ తర్వాత తెలుగు, తమిళ ఇండస్ట్రీలకే పరిమితమైన ఈ తార.. 'చెన్నై ఎక్స్ప్రెస్' ఫేమ్ డైరెక్టర్ రోహిత్ శెట్టి తెరకెక్కించిన 'సర్కస్‌' అనే హిందీ చిత్రంతో బాలీవుడ్లోకి మరోసారి ఎంట్రీ ఇచ్చింది. ఈ సినిమాలో రణవీర్ సింగ్ సరసన ఆమె నటించింది. అయితే ఈ సినిమాకు బాక్సాఫీస్ వద్ద నిరాశే మిగిలింది. దీంతో ఇక అవకాశాలు అందిపుచ్చుకోలేమని అనుకుంటున్న పూజను సల్మాన్ సినిమా వరించింది.
తెలుగులో పవర్ స్టార్ పవన్ కల్యాణ్, శ్రుతి హాసన్ నటించిన 'కాటమరాయుడు' సినిమాకు రీమేక్గా తెరకెక్కుతున్న 'కిసీకా భాయ్ కిసీకి జాన్' సినిమాలో నటించింది పూజా హెగ్డే. రంజాన్ సందర్భంగా ఏప్రిల్ 21న ఈ సినిమా రిలీజవ్వనుంది. ఇక ఈ సినిమా ప్రమోషన్లలో ఆమె బిజీ అయిపోయింది. ఓ వైపు ప్రమోషన్లలో పాల్గొంటూనే మరోవైపు ఫొటో షూట్లలో సందడి చేస్తోంది. ఈ క్రమంలో సినిమాకు సంబంధించిన ఓ ఈవెంట్కు హాజరైన పూజ.. తనపై మీడియాలో వస్తున్న రూమర్స్పై స్పందించింది.
"నా గురించి ఎప్పటికప్పుడు మీడియాలో ఏదో ఒక వార్త వస్తూనే ఉంటుంది. నేను వాటన్నింటినీ చదువుతాను. వాటన్నింటికీ నేను సమాధానాలు ఇస్తూ కూర్చోలేను. అప్పుడప్పుడు నా తల్లిదండ్రులు కూడా నాకు ఆ వార్తల స్క్రీన్ షాట్లు పంపించి.. ఇవన్నీ నిజమేనా అని అడుగుతుంటారు. రీసెంట్గా నేను నటిస్తున్న ఓ సినిమా నిర్మాతలు నాకు కాస్ట్లీ కారు గిఫ్ట్గా ఇచ్చారంటూ వార్తలు వచ్చాయి. నేను దాన్ని ఆ నిర్మాతకు పంపించి మీ సర్పైజ్ నాశనమైంది అన్నాను. ఒక వేళ నా గురించి చెడుగా ప్రచారం చేయాలనుకుంటే నిజంగా నాకు కారు ఇవ్వండి" అంటూ చెప్పుకొచ్చింది.
గతంలోనూ తనపై వచ్చిన ఓ రూమర్పై స్పందించింది పూజ. బాలీవుడ్ కండల వీరుడు సల్మాన్‌ఖాన్తో ప్రేమలో ఉందంటూ వచ్చిన వార్తల గురించి ప్రస్తావించిన ఆమె.. ప్రస్తుతం తన దృష్టంతా కెరీర్‌పైనే ఉందని తెలిపింది. ప్రస్తుతం మహేశ్ బాబు హీరోగా త్రివిక్రమ్ తెరకెక్కిస్తున్న 'SSMB 28' సినిమా షూటింగ్తో పాటు సినిమా ప్రమోషన్లలో బిజీగా ఉంది.
