KGF 2 Yash Maldives: ప్రస్తుతం భారతీయ సినీ పరిశ్రమలో మార్మోగుతున్న పేర్లలో రాకింగ్స్ స్టార్ యష్‌ ఒకటి. ఎవరూ పెద్దగా పట్టించుకోని కన్నడ సినిమా ఇండస్ట్రీని 'కేజీఎఫ్'తో ఒక్కసారిగా ప్రపంచ సినిమాకు పరిచయం చేశాడు. డైరెక్టర్ ప్రశాంత్‌నీల్‌, హీరో యష్‌ కాంబినేషన్‌లో ఇటీవలే వచ్చిన 'కేజీఎఫ్ 2' సైతం బాక్సాఫీస్ ముందు రికార్డులు సృష్టిస్తోంది. విడుదలైన ఐదురోజుల్లోనే రూ.500కోట్లకు పైగా వసూళ్లను సాధించింది.
ఈ నేపథ్యంలోనే.. దాదాపు నాలుగేళ్ల పాటు రెండో భాగం షూటింగ్ కోసం పరిమితమైన యశ్.. విజయోత్సాహంలో కుటుంబంతో కలిసి సరదాగా గడిపేందుకు నిర్ణయించుకున్నారు. ఫ్యామిలీతో కలిసి మాల్దీవులకు వెళ్లి ఎంజాయ్ చేస్తున్నారు. భార్య రాధికా పండిట్‌, ఇద్దరు పిల్లలతో కలిసి అక్కడ ప్రకృతి అందాలను ఆస్వాదిస్తున్నారు. దీనికి సంబంధించిన ఫొటోను రాధికా సోషల్మీడియాలో పోస్ట్ చేశారు. ఇది ప్రస్తుతం వైరల్గా మారింది. ఇది చూసిన అభిమానులు.. "రూ.100కోట్లు సాధించగానే సక్సెస్ పార్టీ అంటూ మిగతా చిత్రాలు హడావుడి చేస్తే.. హీరో యశ్ మాత్రం కుటుంబంతో కలిసి సరదాగా గడపడం ఆనందంగా ఉందంటూ ట్వీట్లు చేస్తున్నారు.
Rajamouli in Charminar: 'ఆర్ఆర్ఆర్'తో సక్సెస్ అందుకున్న దర్శకధీరుడు రాజమౌళి హైదారాబాద్ చార్మినార్లో సందడి చేశారు. కొడుకు కార్తికేయతో కలిసి అర్ధరాత్రి చారిత్రక కట్టడాన్ని సందర్శించారు. సాధారణ వ్యక్తిలా వెళ్లి అక్కడి బజార్ అందాలను తిలకించారు. ఈ సందర్భంగా ఓ హోటల్లో బిర్యానీ తిని వెళ్లిపోతుండగా కొందరు వ్యక్తులు గుర్తుపట్టి జక్కన్నతో సెల్ఫీలు దిగారు. దీనికి సంబంధించిన ఫొటోలు నెట్టింట్లో వైరల్గా మారాయి. పాన్ ఇండియా స్టార్ డైరెక్టర్ అయి కూడా ఇంత సింపుల్గా ఉండటం జక్కన్నకే సాధ్యమని నెటిజన్లు అంటున్నారు.
ఇదీ చూడండి: సాంగ్ షూటింగ్లో పవన్, మహేశ్ బిజీ బిజీ!
