ఎన్నో అంచనాల మధ్య విడుదలైన 'కేజీఎఫ్-2' మొదటిరోజు సూపర్ హిట్ టాక్ తెచ్చుకుంది. ప్రశాంత్ నీల్ దర్శకత్వంలో యష్ హీరోగా తెరకెక్కిన ఈ చిత్రం బాక్సాఫీస్ను షేక్ చేస్తోంది. అంచనాలకు మించి కలెక్షన్లను రాబడుతోందని ట్రేడ్ వర్గాలు చెబుతున్నాయి. బాలీవుడ్లో అయితే హిందీ సినిమాలకు కూడా సాధ్యం కాని.. వసూళ్లను రాబడుతోంది. తొలిరోజే అక్కడ ఏకంగా రూ.53.95కోట్లను రాబట్టినట్లు ట్రేడ్ వర్గాలు అంచనా వేస్తున్నాయి. ఈ వసూళ్ల సునామితో.. తొలి కలెక్షన్లలో ఉత్తరాదిన 'కేజీఎఫ్-2' సరికొత్త మైలు రాయికి చేరుకుంది. 'కేజీఎఫ్-1' ఫుల్రన్లో రూ. 44.09కోట్ల వసూళ్లను సాధించగా.. 'చాప్టర్-2'కు ఒక్క మొదటిరోజే..రూ.53.95కోట్ల కలెక్షన్లు రావడం గమనార్హం.
దేశంలోని అన్ని భాషల్లో కలిసి.. మొదటి రోజు రూ. 134 కోట్ల గ్రాస్ను రాబట్టింది ఈ సినిమా. అయితే ఓవర్సీస్ లెక్కలు ఇంకా రావాల్సి ఉంది. ఆ లెక్కలు కూడా వస్తే మొత్తం వసూళ్లూ.. రూ.150 కోట్ల వరకు చేరుకునే అవకాశం ఉంది.
ఇక తెలుగు రాష్ట్రాల విషయానికి వస్తే.. కేజీఎఫ్-2 దాదాపు రూ. 30 కోట్ల వసూళ్లను రాబట్టినట్లు ట్రేడ్ నిపుణుల అంచనా. కర్ణాటక, తమిళనాడు, కేరళలో కలిపి.. మరో రూ.40 కోట్ల గ్రాస్ వచ్చినట్లు సమాచారం. బుధవారం రాత్రి నుంచే అమెరికా, యూకే, ఓవర్సీస్‌లోని పలు ప్రాంతాల్లో ప్రీమియర్లు మొదలయ్యాయి. అక్కడ కూడా భారీగా టికెట్లు తెగినట్లు తెలుస్తోంది. బాలీవుడ్లో మొదటి రోజు అత్యధిక కలెక్షన్లు రాబట్టిన సినిమాలు ఇవే..
- కేజీఎఫ్ -రూ.53.95
- వార్ -రూ.51.60
- థగ్స్‌ ఆఫ్‌ హిందుస్తాన్‌ -రూ.50.75
హిందీలో భారీగా వసూళ్లు రాబట్టిన దక్షిణాది సినిమాలు ఇవే..
- బాహుబలి-2( ఫుల్ రన్లో) - రూ.510 కోట్లు
- ఆర్ఆర్ఆర్( మూడు వారాల్లో ) - రూ. 245.32కోట్లు
- 2.0 ( ఫుల్ రన్లో) - రూ.189కోట్లు
- సాహో ( ఫుల్ రన్లో) - రూ. 150.6కోట్లు
- బాహుబలి-1 ( ఫుల్ రన్లో) - రూ.115కోట్లు
- పుష్ప ( ఫుల్ రన్లో) - రూ.108కోట్లు
- కేజీఎఫ్-2( మొదటి రోజు) - రూ. 53.95కోట్లు
- కేజీఎఫ్ ( ఫుల్ రన్లో) - రూ. 45కోట్లు
ఇదీ చడవండి: తమిళ్లోకి 'ఆహా' ఎంట్రీ.. సీఎం చేతులమీదుగా ప్రారంభం
