Bhola Shankar Poster : మెగాస్టార్ చిరంజీవి 'వాల్తేరు వీరయ్య' తర్వాత చేస్తున్న సినిమా 'భోళా శంకర్'. ఈ సినిమాను దర్శకుడు మెహర్ రమేశ్ తెరకెక్కిస్తున్నారు. తాజాగా ఈ సినిమా నుంచి ఓ అప్డేట్ వచ్చింది. కార్మికుల దినోత్సవాన్ని పురస్కరించుకుని చిత్ర బృందం ఓ పోస్టర్ను విడుదల చేసింది. మెగాస్టార్ చిరంజీవికి సంబంధించిన కొన్ని స్టిల్స్ను సోషల్ మీడియాలో షేర్ చేసింది. మే డే సందర్భంగా కార్మికులు, కర్షకులు, శ్రమ జీవులకు 'భోళా శంకర్' టీమ్ శుభాకాంక్షలు తెలియజేసింది. కాగా ఈ పోస్టర్లలో మెగాస్టార్.. ఒక టాక్సీ డ్రైవర్గా కనిపించాడు. కోల్‌కతా బ్యాక్ డ్రాప్ని సూచిస్తూ బ్లూ యూనిఫాంలో ఉన్న చిరు స్టైలిష్ లుక్స్.. అభిమానులను విశేషంగా ఆకట్టుకుంటోంది.
ఇప్పటికే 80 శాతం షూటింగ్ పనులను పూర్తి చేసుకున్న ఈ సినిమా.. ముందుగా ప్రకటించినట్లుగానే ఆగస్టు 11 న థియేటర్లలో సందడి చేయనున్నట్లు స్పష్టం చేశారు చిత్ర నిర్మాతలు. తమిళంలో బ్లాక్బస్టర్ విజయం సాధించిన 'వేదాళం' చిత్రానికి తెలుగు రీమేక్గా 'భోళా శంకర్' రూపొందుతోంది. ఈ కథ.. అన్నాచెల్లెళ్ల అనుబంధాల నేపథ్యంలో ఉండనుంది. డైరెక్టర్ మెహర్ రమేశ్ కథలో స్వల్ప మార్పులతో మాస్ యాక్షన్ ఎంటర్‌టైనర్‌గా తీర్చిదిద్దుతున్నారు. లేటెస్ట్ పోస్టర్ల ఆధారంగా చిరు ఈ సినిమాలో మాస్, స్టైలిష్ పాత్రలో కనిపించనున్నట్లు తెలుస్తోంది.
'భోళా శంకర్' ప్రాజెక్టులో చిరంజీవి సరసన మిల్క్ బ్యూటీ తమన్నా హీరోయిన్గా నటిస్తున్నారు. చిరంజీవికి సోదరిగా కీర్తి సురేశ్ కీలక పాత్ర పోషిస్తున్నారు. ఇంకా.. రఘు బాబు, రావు రమేష్, మురళి శర్మ, రవి శంకర్, వెన్నెల కిషోర్, తులసి, ప్రగతి, శ్రీముఖి, బిత్తిరి సత్తి, సత్య, గెటప్ శ్రీను, రష్మీ గౌతమ్, ఉత్తేజ్, ప్రభాస్ శ్రీను తదితరులు నటిస్తున్నారు.
ఏకే ఎంటర్టైన్మెంట్స్ బ్యానర్పై అనిల్ సుంకర ఈ చిత్రాన్ని నిర్మిస్తున్నారు. మెలోడీ మ్యూజికల్ స్పెషలిస్ట్ మణిశర్మ తనయుడు మహతి స్వరసాగర్ ఈ సినిమాకి సంగీతం అందిస్తున్నారు. ఎడిటింగ్ బాధ్యతలు మార్తాండ్ కె వెంకటేశ్ తీసుకోగా.. ఏఎస్ ప్రకాశ్ ఆర్ట్ డైరెక్టర్గా వర్క్ చేస్తున్నారు.
కాగా చిరంజీవి ఇదివరకే చాలా సినిమాల్లో కార్మికుడి పాత్రలో నటించి మాస్ ఆడియెన్స్ను సైతం మెప్పించారు. ఘరానా మొగుడు, ముఠామేస్త్రీ లాంటి సినిమాల్లో ఆయన మాస్ పాత్రకు ప్రేక్షకుల్లో ఇప్పటికీ సపరేట్ ఫ్యాన్బేస్ ఉంది. తాజాగా రిలీజైన భోళా శంకర్లో కూడా చిరంజీవి మళ్లీ ఆ తరహా పాత్రలో కనిపించనున్నట్లు ఈ పోస్టర్లు చూస్తే తెలుస్తోంది.
