వివాదస్పద వ్యాఖ్యలతో ఎప్పుడూ వార్తల్లో నిలిచే న‌టుడు, నిర్మాత బండ్ల గణేష్ మరోసారి హాట్టాపిక్ అయ్యారు. భీమ్లా నాయ‌క్ ప్రీ రిలీజ్ ఈవెంట్ సమయంలో త‌న వాయిస్‌తో లీక్ అయిన ఆడియో టేప్‌పై బాంబ్ పేల్చారు. అప్పట్లో అది తనది కాదని చెప్పిన ఆయన.. తాజాగా అది తనదేనని ఒప్పుకున్నారు.
విషయం ఏంటంటే.. పవన్ కళ్యాణ్ ఈవెంట్‌లలో బండ్ల గణేష్ మాట్లాడే మాటల‌ు సోషల్ మీడియాలో వైరల్ అవుతాయి అన్న సంగతి తెలిసిందే. వ‌కీల్ సాబ్ ప్రీ రిలీజ్ ఈవెంట్‌లో బండ్ల గణేష్ స్పీచుకు భారీ రెస్పాన్స్ వచ్చింది. అయితే అదే ఊపుతో ఆయన.. భీమ్లా నాయ‌క్ ప్రీ రిలీజ్ ఈవెంట్కు స్పీచ్తో రెడీ అయ్యారు. కానీ త్రివిక్రమ్ మ‌ధ్య‌లో కలుగజేసుకుని కార్యక్రమానికి ఆయ‌న్ను రానీయ‌లేదని టాక్ నడిచింది. దీంతో బండ్ల గణేశ్.. త్రివిక్రమ్పై ఓ రేంజ్‌లో సీరియ‌స్ అయ్యారు. వాడు, వీడు అంటూ రెచ్చిపోయి తిట్టారు. ఆ ఆడియో బ‌య‌ట‌కు కూడా లీకై సంచ‌న‌లంగా మారింది.
అయితే బండ్ల గణేష్ పలు సార్లు ఆ ఆడియో టేప్ తనది కాదన్నట్లుగానే చెప్పే ప్రయత్నం చేశారు. అయితే తాజా ఇంటర్వ్యూలో మాత్రం 'ఏదో కోపంలో అలా అనేశాను' అంటూ ఆ వాయిస్ తనదే అని ఒప్పుకున్నారు. ఇప్పుడు అంతా బాగానే ఉందని దాన్ని, వివాదం చేయాల్సిన అవసరం లేదని పేర్కొన్నారు. పవన్ కళ్యాణ్తో మళ్ళీ సినిమా చేయాలని కోరుకుంటున్నట్లుగా అన్నారు.
-
Blockbuster stuff 😆 pic.twitter.com/EMadxHYJ5I
— ₹evanth Palwai (@revanth47) October 2, 2022 " class="align-text-top noRightClick twitterSection" data="
">Blockbuster stuff 😆 pic.twitter.com/EMadxHYJ5I
— ₹evanth Palwai (@revanth47) October 2, 2022Blockbuster stuff 😆 pic.twitter.com/EMadxHYJ5I
— ₹evanth Palwai (@revanth47) October 2, 2022
కాగా, మొదట ఆ ఆడియోను చాలా మంది ఫేక్ అనుకున్నారు, బండ్ల గణేష్ అలా మాట్లాడి ఉండడని భావించారు. పవన్ కళ్యాణ్- బండ్ల గణేష్కు మధ్య త్రివిక్రమ్ దూరం పెంచే ప్రయత్నాలు చేస్తున్నారని ఆ ఆడియో టేప్ సారాంశం.
ఇదీ చూడండి: Adipurush: హనుమంతుడిగా నటించింది ఎవరో తెలుసా?
