Balagam director venu new movie : ఓ వైపు సినిమాలతో మరోవైపు 'జబర్దస్త్‌' షోతో తెలుగు ప్రేక్షకులకు దగ్గరైన హాస్య నటుడు వేణు యెల్దండి. రీసెంట్గా 'బలగం' చిత్రంతో దర్శకుడిగా మారి తొలి ప్రయత్నంలోనే మంచి విజయాన్ని అందుకున్నారు. తన చిత్రంతో ప్రేక్షకులకు బాగా కనెక్ట్ అయ్యారు. దీంతో ఆయన నెక్ట్స్ సినిమా అనౌన్స్మెంట్ ఎప్పుడెప్పుడు వస్తుందని చాలా మంది సినీ ప్రియులు ఆసక్తి చూపుతున్నారు.
ఈ క్రమంలోనే వేణు తన కొత్త సినిమా గురించి ఓ అప్డేట్ ఇచ్చారు. తన రెండో సినిమా స్క్రిప్టు పనుల్ని సోమవారం ప్రారంభించినట్టు సోషల్‌ మీడియా వేదికగా ఓ పోస్ట్ పెట్టారు. ఈ మేరకు పెన్ను, పేపర్‌ ఫొటోను షేర్‌ చేశారు. ఇక ఇది చూసిన నెటిజన్లు.. 'మరో 'బలగం'గా మంచి సక్సెస్ను అందుకోవాలని కోరకుంటున్నా', 'ఆల్‌ ది బెస్ట్ వేణు..', 'మంచి యాక్షన్‌ థ్రిల్లర్‌ కథ రాయ్ అన్నా' అంటూ నెటిజన్లు, సినీ ప్రియులు తెగ కామెంట్లు పెడుతున్నారు. మరి వేణు ఈసారి ఎలాంటి కథలో రాబోతున్నారు? ఎలాంటి చిత్రాన్ని రూపొందించబోతున్నారు? నటీనటులెవరు? అనేవి తెలియాలంటే కొంతకాలం వేచి ఉండాల్సిందే.
Balagam movie awards : 'బలగం' చిత్రం ఈ ఏడాది మార్చి 3న విడుదలై ప్రేక్షకులను విశేషంగా ఆకట్టుకుంది. మొత్తం ప్రతిష్టాత్మక తొమ్మిది పురస్కారాలను అందుకుంది. అంతర్జాతీయ ఫిల్మ్ ఫెస్టివల్స్లోనూ సత్తా చాటింది. లాస్‌ ఏంజిల్స్‌ సినిమాటోగ్రఫీ అవార్డులతో పాటు 'వాషింగ్టన్‌ డీసీ ఇంటర్నేషనల్‌ సినిమా ఫెస్టివల్‌', 'ఒనికో ఫిల్మ్ అవార్డు' వంటి పలు విదేశీ అవార్డులను కూడా ముద్దాడింది. ఈ చిత్రంలో ప్రియదర్శి, కావ్య కల్యాణ్‌ రామ్, సుధాకర్‌ రెడ్డి, రూపా లక్ష్మి, ముర‌ళీధ‌ర్ గౌడ్‌ తదితరులు ప్రధాన పాత్రలు పోషించి అద్భుతంగా నటించారు. తెలంగాణ సంస్కృతి-సంప్రదాయాల నేపథ్యంలో రూపొందిందీ చిత్రం.కుటుంబ పెద్ద చనిపోయాక ఏర్పడిన పరిస్థితుల చుట్టూ ఈ కథను నడిపించారు. అలాగే చిత్రంలో రక్త సంబంధాలు, బంధుత్వ విలువలను ఎంతో బాగా చూపించారు. భీమ్స్ ఈ సినిమాకు స్వరాలను సమకూర్చారు. ఒకప్పుడు పల్లె ప్రజలంతా తెరలు కట్టి సినిమాలు చూసినట్టు.. ఈ చిత్రాన్ని ప్రస్తుత కాలంలోనూ తెలంగాణలోని పలు పల్లెల్లో ప్రదర్శించారు. ఈ సినిమాను చూసి గ్రామస్థులంతా భావోద్వేగానికి గురై కన్నీళ్లు కూడా పెట్టేసుకున్నారు. ఇప్పుడు ఈ సినిమా 'అమెజాన్‌ ప్రైమ్‌ వీడియో'లో స్ట్రీమింగ్‌ అవుతోంది. ఓటీటీలోనూ మంచి రెస్పాన్స్ను అందుకుంది.
- " class="align-text-top noRightClick twitterSection" data="">
ఇదీ చూడండి :
