హైదరాబాద్‌లోని కంచన్‌బాగ్‌ పీఎస్ పరిధిలో దారుణం చోటు చేసుకుంది. పట్టపగలే.. బిజీగా ఉన్న రోడ్డులో.. అందరూ చూస్తుండగానే.. మహిళపై కిరాతకంగా కత్తితో దాడి చేశాడు ఓ దుండగుడు. తన ప్రేమను నిరాకరించిందన్న కోపంతో.. మహిళపై ఓ వ్యక్తి కత్తితో దాడికి తెగబడ్డాడు. ఈ ఘటనలో.. మహిళకు తీవ్ర గాయాలయ్యాయి. బాధితురాలిని వెంటనే స్థానికులు ఆస్పత్రికి తరలించారు.
దాడికి తెగబడ్డ నిందితుడు షేక్ నసీరుద్దీన్(32)గా పోలీసులు గుర్తించారు. బాబానగర్లోని ప్రభుత్వ పాఠశాల పక్కనే నసీరుద్దీన్ నివాసముంటున్నాడు. అదే కాలనీలో సైదానూర్ బాను(40) ఉంటోంది. సైదానూర్ బానుకు ముగ్గురు పిల్లలున్నారు. కాగా.. ఆమె భర్త ఇంతియాజ్ మూడేళ్ల క్రితం మరణించాడు. ఒకే కాలనీలో ఉండటం వల్ల నసీరుద్దీన్తో సైదానూర్ బానుకు పరిచయం ఏర్పడింది.
పరిచయాన్నే అదునుగా తీసుకుని నసీరుద్దీన్.. గత కొంతకాలంగా వివాహేతర సంబంధం కోసం వేదిస్తున్నాడు. ఈ విషయాన్ని ఆమె పోలీసులకు తెలిపింది. ఆ కోపంతో.. సైదానూర్ బానుపై నసీరుద్దీన్ ఇవాళ కత్తితో దాడి చేసి.. పరారయ్యాడు. సమాచారం అందుకున్న పోలీసులు... బృందాలుగా ఏర్పడి నిందితుని కోసం గాలిస్తున్నారు. దాడికి సంబంధించిన సీసీ కెమెరా దృశ్యాలు ఇప్పుడు వైరల్గా మారాయి.
ఇవీ చూడండి:
