చట్ట వ్యతిరేకంగా పని చేస్తున్న లింగ నిర్ధారణ పరీక్షలు చేసే స్కానింగ్ కేంద్రాల వివరాలు ఇస్తే నగదు బహుమతి ఇవ్వనున్నట్టు కుటుంబ ఆరోగ్య శాఖ ప్రకటించింది. ఇటీవల కేంద్ర ప్రభుత్వం జారీ చేసిన మార్గదర్శకాలకు అనుగుణంగా ఆయా స్కానింగ్ కేంద్రాలపై చట్టపరంగా కఠిన చర్యలు తీసుకోనున్నట్టు వెల్లడించింది. స్కానింగ్ కేంద్రాల వివరాలు ఇచ్చి కేసు నమోదు అయితే రూ. 25 వేల నగదు బహుమతి ఇవ్వనున్నట్టు కుటుంబ ఆరోగ్య శాఖ కమిషనర్ కాటమనేని భాస్కర్ తెలిపారు. కోర్టు ద్వారా శిక్ష ఖరారు అయితే లక్ష రూపాయల నగదు ప్రభుత్వం నుంచి అందుతుందని స్పష్టం చేశారు.
సమాచారం అందించిన వారి వివరాలు గోప్యంగా ఉంచుతామని ప్రభుత్వం వెల్లడించింది. లింగ నిర్ధారణ కోసం స్కానింగ్ చేయించుకోవటం చట్టరీత్యా నేరమని.. ఆ సమాచారాన్ని 104 నెంబరుకు తెలియజేయాలని ప్రభుత్వం ప్రజలకు విజ్ఞప్తి చేసింది.
ఇదీ చదవండి:
