గరుడ సేవను రద్దు చేసిన తితిదే

తిరుమలలో ప్రతి నెల పౌర్ణమి రోజున నిర్వహించే పౌర్ణమి గరుడ సేవను రద్దు చేసినట్లు తితిదే ప్రకటించింది. ఈ నెల 28న పౌర్ణమి కాగా ఆ రోజు వరకు పుష్కరిణిలో శ్రీవారి వార్షిక తెప్పోత్సవాలను నిర్వహిస్తున్నారు. స్వామివారికి తెప్పోత్సవం జరుగుతుండడంతో గరుడసేవను రద్దు చేసినట్లు అధికారులు తెలిపారు.

తిరుమలలో స్వామివారి తెప్పోత్సవం జరుగుతుండడంతో ప్రతి నెల పౌర్ణమి రోజున నిర్వహించే గరుడ సేవను రద్దు చేసినట్లు తిరుమల తిరుపతి దేవస్థానం ప్రకటించింది. ఈ నెల 28న పౌర్ణమి సందర్భంగా గరుడ సేవ జరగాల్సి ఉంది.

'ఈ ఏడాది తుంబుర తీర్థంకు అనుమతి లేదు'

ప్రతి ఏడాది ఫాల్గుణ మాసంలో పౌర్ణమి రోజున తుంబుర తీర్థ ముక్కోటిని తితిదే వైభవంగా నిర్వహిస్తుంది. దట్టమైన అటవీ ప్రాంతంలో గల ఈ తీర్థానికి తెలుగు రాష్ట్రాలతో పాటు.. కర్ణాటక, తమిళనాడు నుంచి పెద్ద సంఖ్యలో భక్తులు వస్తుంటారు. కరోనా మార్గదర్శకాలకు అనుగుణంగా ఈ ఏడాది తుంబుర తీర్థానికి భక్తులకు అనుమతి నిలిపివేయాలని తితిదే నిర్ణయం తీసుకుంది.

ఇదీ చదవండి: గోవిందరాజ స్వామి ఆలయంలో చోరీకి విఫలయత్నం..!