తిరుమల తిరుపతి దేవస్థానం బోర్డు..తన సొంతం అన్నట్లుగా జగన్ వ్యవహరిస్తున్నారని భాజపా నేత భాను ప్రకాశ్ మండిపడ్డారు. తితిదేలో ప్రత్యేక ఆహ్వానితులను ఏ ప్రాతిపదికన నియమించారో సమాధానమివ్వాలని డిమాండ్ చేశారు.
తితిదేలో ప్రత్యేక ఆహ్వానితులు అందరినీ రద్దు చేయాలి. హిందూ ధార్మిక వ్యవస్థలో ఇష్టం వచ్చినట్లు జోక్యం చేసుకుంటున్నారు. ఇంతమంది సభ్యులను ఏ ప్రాతిపదికన తీసుకున్నారో చెప్పాలి. ఇంత జంబో బోర్డు అవసరమా అనేది మరోసారి ఆలోచించాలి కొందరు బోర్డు సభ్యులపై కేసులు ఉన్నాయి. పూర్వాపరాలు విచారణ చేయకుండా సభ్యులు, ప్రత్యేక ఆహ్వానితులా ?. దర్శనం కోసమే ప్రత్యేక ఆహ్వానితులను నియమించారా ?. ఐదుగురితో మొదలైన తితిదే బోర్డు ఇవాళ 80కి చేరింది. రవిప్రసాద్‌ ఎవరో మాకు తెలియదు. జంబో బోర్డుపై విచారణ జరిపించాలి. - భానుప్రకాశ్, భాజపా నేత
ఇదీ చదవండి
