Minister Sucharitha on Police Weekly Off: ప్రజలకు అందాల్సిన సేవలను సులభతరం చేయటమే ప్రభుత్వ లక్ష్యమని రాష్ట్ర హోంశాఖ మంత్రి మేకతోటి సుచరిత అన్నారు. పట్టణాల్లో వంద ఇళ్లకో వాలంటీర్.. సమీపంలోనే సచివాలయాలను ఏర్పాటు చేశామని చెప్పారు. గుంటూరు తూర్పు మండల తహస్దీలార్ కార్యాలయాన్ని ప్రారంభించిన ఆమె.. మీడియాతో మాట్లాడారు. పోలీసులకు వారాంతపు సెలవుపై స్పందించిన మంత్రి.. పని ఒత్తిడి కారణంగా ప్రభుత్వం తీసుకున్న నిర్ణయం అమల్లో కొంత జాప్యం జరిగిందని చెప్పారు. సిబ్బంది కూడా స్వచ్ఛందంగా విధులు నిర్వర్తించారని చెప్పారు. వీక్లీ ఆఫ్పై సీఎం జగన్ కూడా ఆదేశాలు ఇచ్చారని.. త్వరలోనే పునరుద్ధరణ చేస్తామని చెప్పారు. వారాంతపు సెలవును వారానికి ఒకరోజు లేదా.. నెలలో వరుసగా మూడు రోజులు తీసుకోవచ్చని వెల్లడించారు.
ఇదీ చదవండి
CJI Justice NV Ramana tributes to Dollar Seshadri: 'డాలర్ శేషాద్రి లేని తిరుమలను ఊహించలేకపోతున్నా'
