వైకాపా ఎమ్మెల్సీ అభ్యర్థుల నామినేషన్లు దాఖలు

వైకాపా అధిష్ఠానం ఖరారు చేసిన ఎమ్మెల్సీ అభ్యర్థులు ఇవాళ నామినేషన్లు దాఖలు చేశారు. ఈ సందర్భంగా మంత్రి మోపిదేవి సీఎం జగన్ కు కృతజ్ఞతలు తెలిపారు.

వైకాపా ఎమ్మెల్సీ అభ్యర్థులు తమ నామినేషన్లను దాఖలు చేశారు. పార్టీ ఖరారు చేసిన అభ్యర్థులు చల్లా రామకృష్ణారెడ్డి, మోపిదేవి వెంకటరమణ, ఇక్బాల్ నామపత్రాలను సమర్పించారు. అనంతరం మంత్రి మోపిదేవి మీడియాతో మాట్లాడుతూ ... బలహీన వర్గాలకు చెందిన తనకు ఎమ్మెల్సీగా అవకాశం ఇవ్వటం పట్ల కృతజ్ఞతలు తెలియజేశారు. అన్ని వర్గాలకు న్యాయం చేసే నేత సీఎం జగన్ అని అన్నారు.