Multiple Credit Cards Good or Bad : అత్యవసర సమయాల్లో ఉపయోగపడుతుందనే ఉద్దేశంతో చాలా మంది క్రెడిట్ కార్డును వాడుతుంటారు. అయితే కొంతమంది రెండూ లేదా అంతకన్నా ఎక్కువ క్రెడిట్ కార్డులను ఉపయోగిస్తుంటారు. దీనివల్ల క్రెడిట్ స్కోర్పై ప్రభావం పడుతుందని చెబుతున్నారు నిపుణులు. ఆ వివరాలు మీ కోసం.
- క్రెడిట్స్కోర్ను ఏవిధంగా లెక్కిస్తారు?
Payment History (35%) : క్రెడిట్స్కోర్ను లెక్కించడానికి పరిగణనలోకి తీసుకునే వాటిలో ముఖ్యమైనది పేమెంట్ హిస్టరీ. మీరు తీసుకున్న రుణాన్ని సకాలంలో చెల్లిస్తేనే క్రెడిట్ స్కోర్ ఎక్కువగా ఉంటుంది. లేనట్లయితే దాని ప్రభావం క్రెడిట్ స్కోర్పై పడుతుంది. ఒకటి కన్నా ఎక్కువ కార్డులు ఉపయోగిస్తుంటే వాటి చెల్లింపుల విషయంలో జాగ్రత్తగా ఉండలి. లేదంటే మీ క్రెడిట్ స్కోర్ తగ్గే అవకాశం ఉంది. - Debt-to-credit ratio : అందుబాటులో ఉన్న క్రెడిట్లో మీరు ఎంతమేరకు ఉపయోగించారనే విషయాన్ని డెబిట్ టు క్రెడిట్ రేషియో లెక్కిస్తుంది. ఈ డెబిట్-టు-క్రెడిట్ నిష్పత్తి 30శాతాన్ని మించకుండా చూసుకోవాలి. ఎక్కువ క్రెడిట్కార్డులు డెబిట్-టు- క్రెడిట్ రేషియోను పెంచుతాయి.
- Average age of your credit cards : ఎక్కువ కాలం పాటు క్రెడిట్కార్డు ద్వారా లోన్ తీసుకుని సమయానికి చెల్లించేవారికి మంచి క్రెడిట్ స్కోర్ ఉంటుంది. ఈ మధ్యనే క్రెడిట్లోన్ తీసుకున్నవారికి క్రెడిట్స్కోర్ తక్కువగా ఉంటుంది.
- Types of credit : క్రెడిట్ స్కోర్ ఆధారంగా మీకు లోన్ ఇచ్చేటప్పుడు మీరు ఎన్ని క్రెడిట్కార్డులను కలిగి ఉన్నారనే విషయాన్ని బ్యాంకు పరిశీలిస్తుంది. దీంతోపాటు తనఖాపై తీసుకున్న లోన్లు, వాయిదా చెల్లింపులు మొదలైన వివరాలను కూడా చూస్తారు.
కొత్త క్రెడిట్ కార్డులు : మీరు ఓ కొత్త క్రెడిట్కార్డును తీసుకుంటే తాత్కాలికంగా తక్కువ స్కోర్ ఉండే అవకాశం ఉంది. అందువల్ల స్వల్పకాలంలో మరీ ఎక్కువ క్రెడిట్కార్డులను తీసుకోకపోవడమే మంచింది. ఏక కాలంలో ఎక్కువ క్రెడిట్కార్డులను తీసుకొంటున్నట్లయితే మీ క్రెడిట్స్కోర్పై ప్రతికూల ప్రభావం చూపుతుంది. ఒకటి లేదా రెండు క్రెడిట్కార్డులను క్రమం తప్పకుండా ఉపయోగించుకోండి. మీ చెల్లింపులను గమనిస్తూ ఉండండి. క్రెడిట్కార్డుపై తీసుకునే లోన్ 30 శాతానికి మించకపోవడమే మేలు.
Reasons For Credit Card Limit Decrease : మీ క్రెడిట్ కార్డ్‌ లిమిట్ తగ్గిందా?.. కారణాలు ఇవే!
Credit Score Improvement Tips : క్రెడిట్ స్కోర్ పెంచుకోవాలా?.. ఈ టిప్స్ పాటించండి!
