1 Lakh Subscribers In Youtube Income In India : డబ్బు సంపాదించాలంటే ఉద్యోగం అవసరం. మంచి జీతంతో కూడిన ఉద్యోగం సంపాదించాలంటే చదువు తప్పనిసరి. అయితే ఏదైనా ఉద్యోగం చేయాలంటే కనీస విద్యార్హతలు ఉండాలి. కానీ చదువుతో సంబంధం లేకుండా.. కేవలం ఒక యాప్ ద్వారానే నెలకి లక్షల్లో డబ్బును సంపాదిస్తున్నారు చాలా మంది. మరి అంత పెద్ద మొత్తాల్లో ఆదాయాన్ని తెచ్చిపెడుతున్న ఆ యాపే 'యూట్యూబ్'. కాస్త సృజనాత్మకత, ప్రతిభ ఉంటే చాలు కొత్తగా యూట్యూబ్ ఛానల్ను ప్రారంభించి వివిధ రకాల కంటెంట్లను అందులో పోస్ట్ చేస్తున్నారు ఔత్సాహికులు.
కంటెంటే ప్రధానం..
How Much Money For 1 Lakh Subscribers : ఓ యూట్యూబ్ ఛానల్కు సబ్స్క్రైబర్లు పెరగాలన్నా, వ్యూవర్షిప్ రావాలన్నా వారు అప్లోడ్ చేసే కంటెంట్ చాలా బాగుండాలి. కొందరు కామెడీ, మరికొందరు గేమింగ్, ఇంకొందరు వంటలు ఇలా రకరకాల కంటెంట్లతో యూజర్స్కు కావాల్సిన వీడియోలను పోస్ట్ చేస్తూ తమకంటూ ఒక ప్రత్యేకమైన గుర్తింపు తెచ్చుకుంటున్నారు. ఇలా కొద్ది కాలంలోనే ఫేమస్ యూట్యూబర్స్గా ఎదుగుతున్నారు చాలా మంది. అయితే ఇలా యూట్యూబ్ ద్వారా డబ్బు సంపాదించడమంటే అంత సులువైన విషయం కాదు. మనం అప్లోడ్ చేసే కంటెంట్లో కొత్తదనంతో పాటు వైవిధ్యంగా ఉంటేనే ఆ వీడియోలకి ఆదరణ లభిస్తుంది. తద్వారా మన ఛానల్కు సబ్స్క్రైబర్లు పెరుగుతారు.. వీక్షకులూ పెరుగుతారు. ఇవే ప్రధానంగా ఓ యూట్యూబర్కు ఆదాయాన్ని తెచ్చిపెట్టే వనరులు. ఇదిలా ఉంటే ఒక యూట్యూబ్ ఛానల్కు 1 లక్ష.. ఆపై సబ్స్క్రైబర్స్ ఉంటే ఆ యూట్యూబర్కు ఎంత మేరకు డబ్బులు వస్తాయో ఇప్పుడు తెలుసుకుందాం.
1 Lakh Subscribers Income : ఒక యూట్యూబ్ ఛానల్కు 1 లక్ష సబ్స్క్రైబర్లు ఉంటే ఆ యూట్యూబర్కు సుమారు రూ.2 లక్షల నుంచి రూ.3.30 లక్షల వరకు సొమ్మును చెల్లిస్తుంది యూట్యూబ్. అయితే ఈ చెల్లింపులు ఒక్కో ఛానల్ పోస్ట్ చేసే కంటెంట్కు వచ్చిన వ్యూస్, ఆ ఛానల్కు ఉన్న సబ్స్క్రైబర్స్ సంఖ్యపై కూడా ఆధారపడి ఉంటుంది. అలా ఒక్కో యూట్యూబర్ లక్షల్లో కూడా సంపాదించవచ్చు.
కంటెంట్ ద్వారానే కాదు..
How Much Money For 1 Lakh Subscribers On Youtube :ప్రస్తుతం మనం చూసే యూట్యూబ్ వీడియోస్లలో చాలా వరకు యాడ్స్ కూడా కనిపిస్తుంటాయి. వీటినే పెయిడ్ ప్రమోషన్స్ అంటారు. అంటే ఓ యూట్యూబర్ ఫేమస్ అయితే గనుక అతడితో ఓ సంస్థ తన ప్రాడక్ట్స్ను ప్రచారం చేయించుకుంటుంది. అలా ఓ వస్తువును ప్రమోట్ చేసిన కంపెనీ నుంచే కాకుండా యూట్యూబ్ నుంచి కూడా డబ్బును సంపాదించుకోవచ్చు. ఇలా యాడ్స్, స్పాన్సర్షిప్స్ సహా వ్యాపారానికి సంబంధించిన వీడియోస్ను కంటెంట్ మొదట్లో కానీ, మధ్యలో కానీ అప్లోడ్ చేసిన ఛానళ్లు.. మానిటైజ్ చేసుకునే వీలును కూడా కల్పిస్తుంది యూట్యూబ్.
యూట్యూబ్ యాడ్సెన్స్..
Youtube Adsense : యూట్యూబ్లో ఓ ఛానల్ మానిటైజేషన్కు అర్హత సాధించాలంటే ఆ ఛానల్కు కనీసం 1000 మంది సబ్స్క్రైబర్లు ఉండాలి. అలాగే వారు అప్లోడ్ చేసిన కంటెంట్ను 12 నెలల్లో 4000 గంటలపాటు చూసి ఉండాలి. ఇలా యూట్యూబ్ నిబంధనల ప్రకారం అన్ని అర్హతలు సాధిస్తే.. సదరు యూట్యూబ్ ఛానల్కు యాడ్సెన్స్ అప్రూవ్ అవుతుంది. దీనితో సదరు యూట్యూబర్కు యాడ్ రెవెన్యూలో కొంత భాగాన్ని యూట్యూబ్ ఇస్తుంది. అంతే కాకుండా లైవ్స్ట్రీమ్ సమయంలో చేసే సూపర్ చాట్ లేదా కామెంట్ల ద్వారా కూడా కంటెంట్ క్రియేటర్లకు డబ్బులు వస్తాయి. మరోవైపు యాడ్-ఫ్రీ వీడియోలను చూసేందుకు యూజర్లు చెల్లించే యూట్యూబ్ ప్రీమియం మొత్తంలో నుంచి కూడా కొంత డబ్బును వీడియో క్రియేటర్ ఖాతాలో జమ చేస్తారు.
యూట్యూబర్ - ఆదాయ మార్గాలు
- ప్రకటనలు (యాడ్స్)
- షాపింగ్
- యూట్యూబ్ ప్రీమియం
- ఛానల్ మెంబర్షిప్స్
- సూపర్ చాట్ అండ్ సూపర్ స్టికర్స్
- సూపర్ థ్యాంక్స్
