చైనాకు చెందిన ప్రముఖ స్మార్ట్ఫోన్ తయారీ సంస్థ షియోమీ.. ఎంఐ 10 పేరుతో నేడు సరికొత్త 5జీ స్మార్ట్ఫోన్ను భారత్లో విడుదల చేసింది. లాక్డౌన్ నేపథ్యంలో ఆన్లైన్ ఈవెంట్లో ఈ స్మార్ట్ఫోన్ను ఆవిష్కరించింది షియోమీ. 8జీబీ ర్యామ్, 128 జీబీ స్టోరేజ్, 8జీబీ ర్యామ్, 256 స్టోరేజ్ సామర్థ్యంతో రెండు వేరియంట్లలో ఈ స్మార్ట్ఫోన్ అందుబాటులోకి వచ్చింది. వీటి ధరలు వరుసగా రూ.49,999, రూ.54,999గా నిర్ణయించింది షియోమీ.
ఎంఐ 10 ఫీచర్లు..
- 6.94 సెంటీమీటర్ల, 3డీ, కర్వ్, ఆమోలోడ్ డిస్ప్లే
- క్వాల్కమ్ స్నాప్‌డ్రాగన్‌ 865 ప్రాసెసర్‌
- వెనుకవైపు నాలుగు కెమెరాలు [(108 ఎంపీ ప్రధాన కెమెరా) 2ఎంపీ+2ఎంపీ+13ఎంపీ]
- 20 ఎంపీ పంచ్హోల్ సెల్ఫీ కెమెరా
- 4,780 ఎంఏహెచ్‌ బ్యాటరీ
- 30 వాట్స్‌ ఫాస్ట్ ఛార్జర్ సపోర్ట్‌ (65 నిమిషాల్లో 100 శాతం బ్యాటరీ ఛార్జ్)
- రివర్స్ వైర్లెస్ ఛార్జింగ్ సదుపాయం
నేటి (శుక్రవారం) మధ్యాహ్నం 2 గంటల నుంచి ప్రీ ఆర్డర్కు అవకాశం కల్పించింది షియోమీ. ప్రీ ఆర్డర్ ద్వారా ఈ మోడల్ను బుక్ చేసుకున్న వారికి రూ.2,499 విలువైన ఎంఐ వైర్లెస్ పవర్బ్యాంక్ను ఉచితంగా ఇవ్వనున్నట్లు తెలిపింది. ఎంఐడాట్కామ్, అమెజాన్లో ప్రీ ఆర్డర్లు స్వీకరించనున్నట్లు తెలిపింది. హెచ్డీఎఫ్సీ బ్యాంక్ కార్డ్ల ద్వారా లావాదేవీలు జరిపే వారికి అదనంగా రూ.3,000 వరకు క్యాష్ బ్యాక్ అఫర్ లభిస్తుంది.
ఇయర్ బడ్స్.
ఎంఐ స్మార్ట్ఫోన్తోపాటే.. ఎంఐ వైర్లెస్ ఇయర్ఫోన్స్2 కుడా విడదల చేసింది ఎంఐ. ఏకధాటిగా 4 గంటల పాటు బ్యాటరీ సామర్థ్యం దీని ప్రత్యేకత. ఇయర్ఫోన్స్ బాక్స్లో ఉండే ఛార్జింగ్ సదుపాయంతో 14 గంటల వరకు బ్యాటరీ సామర్థ్యం పని చేయనున్నట్లు షియోమీ వెల్లడించింది.
- ఇయర్ బడ్స్2 మే 12 నుంచి 17 మధ్య రూ.3,999 ప్రత్యేక ధరకు విక్రయించనున్నట్లు తెలిపింది.
- మే 12 నుంచి ఎంఐడాట్కామ్, అమెజాన్.ఇన్, ఎంఐ హోంలో కొనుగోలు చేయొచ్చు.
ఎంఐ బాక్స్..
సాధారణ ఎల్ఈడీ టీవీను స్మార్ట్ టీవీగా వాడుకునే వీలువగా ఉపయోగపడే సరికొత్త ఎంఐ బాక్స్నూ విడుదల చేసింది షియోమీ. 4కే అనుభూతితో అన్ని రకాల ఓటీటీ సేవలను ఎంఐ బాక్స్ ద్వారా పొందొచ్చని వెల్లడించింది.
- ఎంఐ బాక్స్ ధరను రూ.3,499గా నిర్ణయించింది షియోమీ.
- మే 10 మధ్యాహ్నం 12 నుంచి.. ఫ్లిప్కార్ట్, ఎంఐడాట్కామ్, ఎంఐ హోమ్, ఎంఐ స్టూడియోల్లో కొనుగోలు చేయొచ్చు.
