Xiaomi import duty evasion: చైనాకు చెందిన దిగ్గజ మొబైల్ సంస్థ షావోమి భారత విభాగం... భారీ మోసానికి పాల్పడినట్లు తేలింది. రూ.653 కోట్ల కస్టమ్స్ సుంకం ఎగవేత ఆరోపణలతో ఆ సంస్థకు కేంద్ర ఆర్థిక శాఖ నోటీసులు జారీ చేసింది. షావోమి ఇండియాకు చెందిన ప్రాంగణాల్లో జరిపిన సోదాల్లో... దిగుమతి సుంకం ఎగవేతకు సంబంధించిన కీలక పత్రాలను డైరెక్టర్ ఆఫ్ రెవెన్యూ ఇంటెలిజెన్స్(డీఆర్ఐ) స్వాధీనం చేసుకుంది. ఈ నేపథ్యంలో.. ఆ సంస్థకు షోకాజ్ నోటీసులు జారీ చేసినట్లు కేంద్ర ఆర్థిక శాఖ బుధవారం తెలిపింది.
Show cause notices to xiaomi: అయితే... తమకు నోటీసులు పంపించడంపై షోవోమి సంస్థ ఇంకా స్పందించలేదు. డీఆర్ఐ సోదాల్లో.. షోవోమి ఇండియా, ఆ సంస్థ కాంట్రాక్టుదారులు... దిగుమతి చేసుకున్న వస్తువుల అంచనా విలువలో రాయల్టీ, లైసెన్సు రుసుమును చెల్లించలేదని తేలింది. ఇది కస్టమ్స్ నియమాలను ఉల్లంఘించడమే అవుతుందని డీఆర్ఐ తెలిపింది.
"మొబైల్ ఫోన్ల, వాటి పరికరాల వంటివి దిగమతి చేసుకుంటూ... లావాదేవీ విలువలో రాయల్టీ, లైసెన్సు రుసుమును జోడించకుండా కస్టమ్స్ సుంకాన్ని షావోమి ఇండియా సంస్థ ఎగవేస్తోంది. డీఆర్ఐ పూర్తి స్థాయి దర్యాప్తు తర్వాత.. షోవోమి టెక్నాలజీ ఇండియా ప్రైవేట్ లిమిటెడ్ సంస్థకు మూడు షోకాజ్ నోటీసులు జారీ చేశాం. కస్టమ్స్ చట్టం 1962 ప్రకారం... 2017 ఏప్రిల్ 1 నుంచి 2020 జూన్ 30 మధ్య రూ.653 కోట్ల కస్టమ్స్ సుంకాన్ని చెల్లించాలని ఆదేశించాం."
-కేంద్ర ఆర్థిక మంత్రిత్వ శాఖ
కస్టమ్స్ సుంకాన్ని 'షావోమి' ఎగవేస్తోందని నిఘా వర్గాలు ఇచ్చిన సమచారంతో డీఆర్ఐ అధికారులు.. షోవోమి ప్రాంగణాల్లో సోదాలు జరిపారు. దాంతో ఈ పన్ను ఎగవేతకు సంబంధించిన ఆధారాలు లభ్యమయ్యాయి.
ఇదీ చూడండి: Reliance Jio: రిలయన్స్ జియో రూ.5వేల కోట్ల బాండ్లు విక్రయం?
ఇదీ చూడండి: కొత్తగా బ్యాంక్ లాకర్ తీసుకోవాలా? ఈ రూల్స్ తెలుసుకోండి!
