రిలయన్స్ అదిరిపోయే ఆఫర్ను ప్రకటించింది. జియో ఫోన్ రీఛార్జ్పై ఒకటి కొంటే మరొకటి ఉచితంగా ఇవ్వనుంది. దీనిప్రకారం 'జియోఫోన్ యూజర్లు.. ఇతర అన్ని ప్లాన్లపై రెట్టింపు ప్రయోజనాలు పొందనున్నారు' అని సంస్థ ఓ ప్రకటనలో తెలిపింది. అంటే ప్రతి జియోఫోన్ రీఛార్జ్ ప్లాన్పై అంతే విలువ కలిగిన అదనపు రీఛార్జ్ ఉచితంగా పొందొచ్చని పేర్కొంది. అయితే ఇది కేవలం ఆరు ప్రీపెయిడ్ ప్లాన్లకు మాత్రమే వర్తించనుంది.
ఏయే రీఛార్జ్ ప్లాన్‌లు వర్తిస్తాయి?
- రూ.39, రూ.69, రూ.75, రూ.125, రూ.155, రూ.185 విలువైన రీఛార్జ్ ప్లాన్లపై 'బై వన్ గెట్ వన్' ఆఫర్ వర్తిస్తుంది.
- రూ.39 రీఛార్జ్పై అపరిమిత వాయిస్ కాలింగ్, రోజుకు 100 ఎంబీ డేటా, 14 రోజుల వ్యాలిడిటీ లభిస్తాయి. ఈ ప్లాన్‌లో ఉచిత ఎస్ఎంఎస్లు రావు. ఉచిత ఆఫర్ కింద ఈ ప్లాన్‌ను కొనుగోలు చేస్తే ప్రతి రీఛార్జ్కు 200 ఎంబీ డేటాను పొందుతారు.
- రూ.69 ప్రీపెయిడ్ ప్లాన్పై.. అపరిమిత వాయిస్ కాలింగ్, రోజుకు 0.5 జీబీ డేటా, 14 రోజుల వ్యాలిడిటీ ఉంటుంది. ఈ ప్లాన్‌లో ఉచిత ఎస్ఎంఎస్లు లేవు. అయితే వన్ జీబీ డేటా లభిస్తుంది.
- రూ.75 ప్రీపెయిడ్ ప్లాన్పై.. అపరిమిత వాయిస్ కాలింగ్ 3జీబీ డేటా, 28 రోజుల వ్యాలిడిటీని అందిస్తోంది. 6జీబీ డేటా లభిస్తుంది.
- రూ.125 ప్రీపెయిడ్ ప్లాన్పై.. అపరిమిత వాయిస్ కాలింగ్, రోజుకు 0.5 డేటాతో పాటు 28 రోజుల వ్యాలిడిటీ వస్తుంది. ఈ ప్లాన్ కొనుగోలుపై రోజుకు 1జీబీ డేటా అదనంగా లభిస్తుంది.
- రూ.155 ప్రీపెయిడ్ ప్లాన్పై.. అపరిమిత వాయిస్ కాలింగ్, రోజుకు 1జీబీ డేటా, 28 రోజుల వ్యాలిడిటీతో వస్తుంది. ఈ ప్లాన్ రీఛార్జ్పై ఒక రోజుకు 2జీబీ డేటా లభిస్తుంది.
- రూ.188 ప్రీపెయిడ్ ప్లాన్పై.. అపరిమిత వాయిస్ కాలింగ్, రోజుకు 2జీబీ డేటా, 28 రోజుల వ్యాలిడిటీకి అదనంగా.. 4జీబీ డేటా లభిస్తుంది.
ఇవీ చదవండి:
