ప్రభుత్వ రంగ బ్యాంకుల సీఈఓలతో కేంద్ర ఆర్థిక మంత్రి నిర్మలా సీతారామన్ నేతృత్వంలో జరగాల్సిన సమీక్ష సమావేశం వాయిదా పడింది. వీడియో కాన్ఫరెన్స్ ద్వారా జరగాల్సిన ఈ భేటీని వాయిదా వేస్తున్నట్లు అధికారులు తెలిపారు. సమీక్ష సమావేశం కోసం కొత్త తేదీని త్వరలో ప్రకటించనున్నట్లు వెల్లడించారు.
కరోనా సంక్షోభంతో కుదేలైన ఆర్థిక వ్యవస్థను గాడిన పెట్టేందుకు తీసుకోవాల్సిన చర్యలపై చర్చించడమే ముఖ్య అజెండాగా ఈ సమావేశం ఏర్పాటు చేశారు. రుణ చెల్లింపులపై బ్యాంకులు విధించిన 3 నెలల మారటోరియం సహా దీర్ఘకాలిక రుణాల పురోగతిని సైతం ఈ భేటీలో సమీక్షించాలని నిర్ణయించారు. అయితే ఈ భేటీ వాయిదాకు గల కారణాలు తెలియలేదు.
ఇదీ చదవండి: ప్రభుత్వ రంగ బ్యాంకుల సీఈఓలతో నేడు నిర్మల భేటీ
