2020-21 ఆర్థిక సంవత్సరానికి గాను రాష్ట్రాలకు, కేంద్రపాలిత ప్రాంతాలకు జీఎస్టీ(వస్తు సేవల పన్ను) వాటా కింద ఇప్పటివరకు రూ.15,340కోట్లు విడుదల చేసినట్లు కేంద్రం వెల్లడించింది. సుంకాల వాటలో రాష్ట్రాలకు రూ.46,038.70 మంజూరు చేసినట్లు ఆర్థికమంత్రిత్వ శాఖ ఓ ట్వీట్లో పేర్కొంది. లాక్డౌన్తో ఆర్థిక వ్యవస్థ డీలా పడినప్పటికీ.. పరిహారం కింద రాష్ట్రాలు చెల్లిస్తున్నట్టు స్పష్టం చేసింది.
2019-20 ఆర్థిక సంవత్సరం(నవంబరు) నాటికి రూ.1,20,498 కోట్లు జీఎస్టీ పరిహారాన్ని కేంద్రం విడుదల చేసింది. ఇది 2018-19 (రూ.69,275కోట్లు), 2017-18 (రూ. 41,146కోట్లు)లో విడుదల చేసిన దానికంటే ఎక్కువ. 2017 జులై 1లో జీఎస్టీ అమల్లోకి వచ్చింది.
పాత బకాయిలు..
2019-20 ఆర్థిక సంవత్సరానికి తక్కువ జీఎస్టీ వసూలు అయినప్పటికీ.. రాష్ట్రాలకు 2019 నవంబరు వరకు పరిహారాన్ని క్లియర్ చేసినట్లు అధికారులు తెలిపారు. అయితే 2019 డిసెంబరు నుంచి 2020మార్చి నెల వరకు జీఎస్టీ పరిహారం చెల్లించాల్సి ఉంది కేంద్రం. 2019-20, 2018-19, 2017-18ఆర్థిక సంవత్సరాల్లో వసూలైన సెస్ వరుసగా రూ.95,000 కోట్లు, రూ.95,081 కోట్లు రూ. 62,611 కోట్లు.
2019-20, 2018-19, 2017-18 ఆర్థిక సంవత్సరాల్లో వరుసగా రూ .95,000 కోట్లు, రూ .95,081 కోట్లు, రూ .62,611 కోట్లు సెస్ వసులైనట్లు కేంద్రం తెలిపింది.
పన్నుల వాటా..
కేంద్ర పన్నులు, సుంకాల వాటలో రాష్ట్రాలకు మే నెలకు రూ .46,038.70 కోట్లు మంజూరు చేసినట్లు ఆర్థిక మంత్రిత్వ శాఖ తెలిపింది. ఏప్రిల్లో విడుదల చేసిన మాదిరిగానే ఈ నెల కూడా 2020-21 బడ్జెట్‌లో అంచనా వేసిన పన్ను రసీదుల ఆధారంగా లెక్కించినట్లు వెల్లడించింది.
పన్నుల వాటాను రాష్ట్రాల వారీగా విభజించినట్లుయితే... ఆంధ్రప్రదేశ్కు రూ.1,892.64కోట్లు, అసోం రూ.1,441.48కోట్లు, గుజరాత్ రూ.1,564.4 కోట్లు, బంగాల్ రూ.3,461.65 కోట్లు, ఉత్తర్ ప్రదేశ్‌ రూ.8,255.19 కోట్లు, కేరళ రూ.884.53 కోట్లు, బిహార్‌ రూ.4,631.96 కోట్లుగా ఉన్నాయి.
ఇదీ చూడండి: కరోనా కష్టాల్లోనూ 'డాక్టర్ రెడ్డీస్'కు రెట్టింపు లాభాలు
