సెక్స్ విషయంలో ఇద్దరు స్వలింగ సంపర్కుల (గేల) మధ్య జరిగిన గొడవలో ఒకరు ప్రాణాలు కోల్పోయారు. నిందితుడిని పోలీసులు అరెస్టు చేశారు. ఆలస్యంగా వెలుగులోకి వచ్చిన ఈ ఘటన కర్ణాటకలోని బెంగళూరులో జరిగింది.
ఇదీ జరిగింది: మూడలపాళ్యకు చెందిన నిందితుడు రక్షిత్ గౌడ.. ఆటో డ్రైవర్గా పనిచేస్తూ ఉండేవాడు. బాధితుడు ప్రదీప్ది మడివాళ. ప్రదీప్ పురుషుడే అయినప్పటికీ.. మహిళా వేషధారణలో తిరిగేవాడు. క్యాషియర్ లేఅవుట్లో ఓ అద్దె ఇంట్లో ఒంటరిగా ఉంటూ ఓ షాపులో పనిచేసేవాడు. అతడికి పురుషులతో సంబంధాలు పెట్టుకోవడంపై ఆసక్తి ఎక్కువ.
ఈ క్రమంలోనే ప్రదీప్ ఇంటికి రక్షిత్ మూడుసార్లు వచ్చాడు. వారి మధ్య లైంగిక సంబంధమూ ఉంది. ప్రదీప్ను తొలుత మహిళగా భావించిన నిందితుడు.. అతడు పురుషుడు అని తెలిసినా ఎలాంటి అభ్యంతరం తెలపలేదు.
"మే 28న ఎప్పటిలాగే ప్రదీప్ ఇంటికి రక్షిత్ వచ్చాడు. మద్యం సేవించిన అనంతరం సెక్స్ విషయంలో వారి మధ్య వివాదం తలెత్తింది. దీంతో మొదట రక్షిత్పై కత్తితో దాడి చేశాడు ప్రదీప్. అనంతరం అదే కత్తితో ప్రదీప్ను పొడిచి రక్షిత్ హతమార్చాడు. ఆ తర్వాత ఇంటికి తాళం వేసి అక్కడి నుంచి పారిపోయాడు" అని పోలీసులు తెలిపారు.
ఇంట్లో నుంచి కుళ్లిపోయిన వాసన రావడం వల్ల స్థానికుల సమాచారంతో పోలీసులు ఘటనా స్థలానికి చేరుకొని దర్యాప్తు చేపట్టారు. అనంతరం నిందితుడిని అరెస్టు చేసి జుడీషియల్ కస్టడీకి తరలించినట్లు అధికారులు తెలిపారు.
ఇదీ చూడండి: కోడికూర వండలేదని.. భార్యను నరికి చంపిన భర్త
