స్వాతంత్య్రం వచ్చిన తర్వాత కొన్ని దశాబ్దాల పాటు ఉత్తర్ప్రదేశ్లోని పలు ప్రాంతాలు తీవ్ర నిర్లక్ష్యానికి గురయ్యాయని ప్రధాని నరేంద్ర మోదీ అన్నారు. వివిధ వనరులు సమృద్ధిగా ఉన్నప్పటికీ ఎన్నో ఏళ్ల నుంచి తాగునీటి సమస్యలు ఎదుర్కొన్నట్లు తెలిపారు. ఉత్తర్ప్రదేశ్లోని మీర్జాపుర్, సోన్భద్ర జిల్లాల్లో రూ. 5,555 కోట్ల విలువైన గ్రామీణ తాగునీటి సరఫరా ప్రాజెక్టులను మోదీ వర్చువల్గా ప్రారంభించారు. ఈ సందర్భంగా కాంగ్రెస్పై పరోక్ష విమర్శలు చేశారు.
"ప్రకృతి వనరులు సమృద్ధిగా ఉన్నప్పటికీ వింద్యాంచల్, బుందేల్ఖండ్ ఇలా ఎన్నో ప్రాంతాలు కరవును చూశాయి. చాలా నదులు ఉన్నప్పటికీ ఎన్నో ప్రాంతాలు దాహార్తితో అలమటించాయి. ఎంతో మంది వలసలు వెళ్లే పరిస్థితి వచ్చింది.
'హర్ ఘర్ జల్' పథకం ప్రారంభించి ఏడాది గడిచింది. 2.6 కోట్ల కుటుంబాలు.. ఇంటికి కుళాయిల ద్వారా తాగు నీరు పొందుతున్నాయి. ఇప్పుడు ప్రారంభించిన ఈ ప్రాజెక్ట్ శరవేగంగా పూర్తవుతుంది. ప్రతి ఇంటికి తాగు నీరు అందించడమే మా లక్ష్యం."
- ప్రధాని నరేంద్ర మోదీ
ఈ ప్రాజెక్ట్ ద్వారా రెండు జిల్లాల్లోని 2,995 గ్రామాలకు తాగునీరు అందనుందని అధికారులు తెలిపారు. ఫలితంగా సుమారు 42 లక్షల మందికి లబ్ధి చేకూరనుందని చెప్పారు.
- ఇదీ చూడండి: '370 పేరుతో గుప్కర్ గ్యాంగ్ కొత్త నాటకం'
