'మోదీకి అహంకారంతో కళ్లు మూసుకుపోయాయి!'

Rahul gandhi on unemployment: నిరుద్యోగంపై యువత పోరాటం చేస్తున్నా.. ప్రధాని నరేంద్ర మోదీ మాత్రం ఇవన్నీ పట్టనట్లు ఆహంకారంతో కళ్లు మూసుకుని కూర్చున్నారని కాంగ్రెస్​ అగ్రనేత రాహుల్ గాంధీ విమర్శించారు. దేశంలో సుమారు మూడు కోట్లకు పైగా మంది నిరుద్యోగులు ఉన్నారని రాహుల్​ తెలిపారు.

Rahul gandhi on unemployment: కాంగ్రెస్​ నాయకుడు రాహుల్​ గాంధీ నిరుద్యోగ సమస్యను ప్రస్తావిస్తూ మరోసారి కేంద్రంపై విరుచుకుపడ్డారు. ఈ సమస్యపై యువత, విద్యార్థులు ఎందుకు సత్యాగ్రహం చేయాల్సి వస్తుందో ప్రస్తుతం ఉన్న గణాంకాలే చెప్తున్నాయని విమర్శించారు. దీనిపై ఏ మాత్రం స్పందన లేని ఆ వ్యక్తి మాత్రం అహంకారంతో కళ్లు మూసుకుపోయి కూర్చున్నాడని మోదీని ఉద్దేశించి వ్యాఖ్యానించారు.

దేశంలో సుమారు 3.03 కోట్ల మంది యువత నిరుద్యోగం కారణంగా ఇబ్బందులు ఎదుర్కొంటున్నట్లు వచ్చిన మీడియా కథనాలపై స్పందించిన రాహుల్​ కేంద్రంపై విమర్శలు చేశారు. ఈ మేరకు సంబంధిత మీడియా కథనాన్ని ట్వీట్​కు జోడించారు. 'విద్యార్థులు ఎందుకు నిరుద్యోగంపై నిరసనలు తెలుపుతున్నారో ఇప్పుడు అర్థం అవుతోంది. కానీ ఆ వ్యక్తి మాత్రం ఏం పట్టనట్లు కళ్లు మూసుకుని కూర్చున్నారు'అని అన్నారు.

మొదటి నుంచి కూడా ఆర్థిక వ్యవస్థ నిర్వహణ, నిరుద్యోగ కట్టడిపై రాహుల్​ గాంధీ.. మోదీ ప్రభుత్వంపై తీవ్ర స్థాయిలో విమర్శిస్తున్నారు.

సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!

ఇదీ చూడండి: రాహుల్​ గాంధీకి 'మోదీ ఫోబియా': అమిత్ షా