ఈశాన్య రైల్వే జోన్కు రూ.15వేలు జరిమానా విధించింది జిల్లా వినియోగదారుల ఫోరం. ప్రయాణికుడి నుంచి టికెట్పై రూ.20 అదనంగా తీసుకున్న కారణంగా ఈ తీర్పు వెల్లడించింది. 2001లో కమిషన్ దృష్టికి ఈ కేసు వెళ్లగా .. 21 సంవత్సరాల పోరాటం తరువాత తీర్పు వెలువడింది.
వివరాళ్లోకి వెళితే.. ఉత్తర్ప్రదేశ్ మథురలోని హోలీ గేట్కు చెందిన తుంగనాథ్ చతుర్వేది అనే న్యాయవాది 2001లో తన సహచరుడితో కలిసి మొరాదాబాద్ వెళ్లాల్సి వచ్చింది. అందుకు డిసెంబర్ 25న ఈశాన్య రైల్వే జోన్లో రెండు టికెట్లు తీసుకున్నాడు. ఒక్కో టికెట్ ధర రూ.35. అయితే తుంగనాథ్ రూ.100 ఇచ్చాడు. టికెట్ బుకింగ్ క్లర్క్ రెండు టికెట్లకు రూ.70కి బదులు, రూ.90 తీసుకున్నాడు. తుంగనాథ్కు రూ.10 మాత్రమే తిరిగి ఇచ్చాడు. దీనిపై తుంగనాథ్ మథుర జిల్లా వినియోగదారుల ఫోరంను ఆశ్రయించాడు. తన వద్ద అదనంగా 20 తీసుకున్నారని పిటిషన్ దాఖలు చేశాడు.
21 సంవత్సరాల పాటు ఈ కేసు సాగింది. ఈ ఏడాది ఆగస్టు 5వ తేదీన తీర్పు వెల్లడించింది వినియోగదారుల ఫోరం. తుంగనాథ్కు రూ.20 చెల్లించాలని ఈశాన్య రైల్వే జోన్ను ఆదేశించింది. దానిపై సంవత్సరానికి 12 శాతం చొప్పున అదనంగా చెల్లించాలని పేర్కొంది. అతన్ని మానసికంగా ఇబ్బంది పెట్టినందుకు మరో రూ.15వేలు చెల్లించాలని చెప్పింది. ఒక నెల లోపలే మొత్తం డబ్బును చెల్లించాలని ఆదేశించింది.
అయితే ఈ తీర్పుపై ఈశాన్య రైల్వే జోన్ చీఫ్ పబ్లిక్ రిలేషన్స్ ఆఫీసర్ పంకజ్ కుమార్ సింగ్ స్పందిచారు. ఇటువంటి పరిస్థితులు ఎదురైనప్పుడు రైల్వేశాఖకు దరఖాస్తు చేసి.. ఛార్జీలు వాపసు తీసుకోవచ్చన్నారు. మథుర జిల్లా వినియోగదారులు ఫోరం తీర్పుపై రాష్ట్ర వినియోగదారుల కమిషన్లో అప్పీల్కు వెళ్లినట్లు ఆయన తెలిపారు. పిటిషన్ను పరిశీలించిన రాష్ట్ర కమిషన్.. జిల్లా ఫోరం ఆదేశాలపై స్టే ఇచ్చిందని పంకజ్ కుమార్ సింగ్ వెల్లడించారు.
