Road Accident in Mysore: కర్ణాటకలోని మైసూర్ జిల్లాలో ఘోర రోడ్డు ప్రమాదం జరిగింది. హన్సుర్ తాలుకాలోని కాల్బెట్టా రోడ్డులో వెళ్తున్న ఓ బొలెరో వాహనం అదుపుతప్పి చెట్టును ఢీకొట్టింది. ఈ ఘటనలో ఆరుగురు అక్కడికక్కడే ప్రాణాలు కోల్పోయారు. మరో ముగ్గురు తీవ్రంగా గాయపడ్డారు. క్షతగాత్రులను హన్సుర్ తాలుక ఆసుపత్రికి తరలించారు.
మృతులు కొడగు జిల్లాలోని పలిబెట్టాకు చెందిన అనిల్, సంతోష్, వినుత్, రాజేశ్, దయానంద్, బాబుగా గుర్తించారు. ఓ వివాహ వేడుకకు హాజరై హన్సుర్కు వెళ్తుండగా ఈ ప్రమాదం జరిగింది. సమాచారం అందుకున్న పోలీసులు సంఘటనాస్థలానికి చేరుకుని వివరాలు సేకరించారు.
ఇదీ చూడండి: అల్లర్లు జరిగిన ప్రాంతాలకు 'బుల్డోజర్లు'.. అధికార, విపక్షాల మాటల యుద్ధం
