సినిమాల నుంచి స్ఫూర్తిపొంది జీవితంలో అత్యున్నత స్థాయికి వెళ్లిన వాళ్లు ఉన్నారు. కానీ అందరూ అలా అవుతారనుకుంటే పొరపాటే. ఇలాంటి ఘటనే తమిళనాడులో జరిగింది. ఇటీవల విడుదలై సూపర్ హిట్ సాధించిన చిత్రం 'లవ్టుడే'ను ఒక యువ జంట ఆదర్శంగా తీసుకుంది. అయితే, ఈ రియల్ 'లవ్టుడే' సీన్ రివర్స్ అయింది. యువకుడు అడ్డంగా దొరికిపోయాడు. అసలు బండారం బయటపడటం వల్ల ఆ యువకుడిపై పోక్సో చట్టం కింద కేసు నమోదైంది. ఈ ఘటన సేలం జిల్లాలో జరిగింది.
ఇదీ జరిగింది.. అరవింద్(23).. వజప్పడి దగ్గరలోని బేలూర్కు చెందిన వాడు. ఇతడు ఓ ప్రైవేటు అంబులెన్సు డ్రైవర్గా పనిచేస్తున్నాడు. అరవింద్కు బేలూర్ టౌన్లోని ఓ యువతితో నిశ్చితార్థం అయింది. పెళ్లికి ముందు ఒకరి గురించి ఒకరు తెలుసుకోవాలని అనుకున్నారు. అలా తెలుసుకోవడానికి సరైన మార్గం గురించి ఆలోచించారు. ఇటీవల విడుదలై ఘన విజయం సాధించిన 'లవ్టుడే' సినిమా గుర్తుకువచ్చింది ఇద్దరికీ. ఈ సన్నివేశం ప్రకారం వారిద్దరి మధ్య ఎలాంటి దాపరికం ఉండకూడదు అనుకున్నారు. అనుకున్నదే తడవుగా ఒకరి గురించి ఒకరు తెలుసుకునేందుకు వాళ్ల మొబైల్ ఫోన్లు పరస్పరం మార్చుకున్నారు.
అయితే ఇక్కడే అసలు చిక్కంతా వచ్చింది. పెళ్లైపోతుంది అన్న తొందరలో ఆలోచించకుండా మార్చుకున్నారు. ఫోన్లు అయితే మార్చుకున్నారు కానీ, అందులో వాళ్ల పర్సనల్స్ను మాత్రం గమనించుకోలేదు. ముఖ్యంగా అరవింద్ ఈ విషయంలో తొందరపడి అడ్డంగా బుక్ అయ్యాడు. ఇదిలా ఉంటే, ఇలా అడగగానే అలా ఫోన్ ఇచ్చిన.. తనకు కాబోయే భర్త ధైర్య సాహసాలకు ఆ యువతి పొంగిపోయింది. తనకు ఇంత మంచి భర్త వస్తున్నందుకు సంతోషపడిపోయింది. ఆ సంతోషం ఎంతో కాలం నిలవలేదు. ఆ ఫోన్ను కొద్ది సేపు బ్రౌజ్ చేసిన వెంటనే ఆ యువతి కంగుతింది. తనకు కాబోయే భర్త చేసిన పని చూసి యువతి మైండ్ బ్లాక్ అయిపోయింది. ఆ ఫోన్లో ఓ బాలిక నగ్న వీడియోలు ఉన్నాయి. దీంతో అరవింద్ నిజస్వరూపం బయటపడింది. ఈ విషయాన్ని తన కుటుంబ సభ్యులకు చెప్పింది ఆ యువతి. దీంతో పెళ్లి రద్దు అయింది.
ఆ తర్వాత తన బంధువుల సహాయంతో బాలిక తల్లిదండ్రులను కలిసింది. వారికి జరిగిన విషయాన్ని వివరించింది. అనంతరం మహిళా పోలీసులకు ఫిర్యాదు చేసింది. ఆ యువతి ఇచ్చిన ఫిర్యాదు ఆధారంగా పోక్సో చట్టం కింద నిందితుడిపై కేసు నమోదు చేసిన పోలీసులు.. అతడిని అరెస్ట్ చేశారు. అతడి ఫోన్లో ఇంకా ఇతర మహిళల వీడియోలు ఉన్నయా అనే కోణంలో దర్యాప్తు చేస్తున్నారు. ఈ ఘటనపై వజిప్పాడి సూపరింటెండెంట్ ఆఫ్ పోలీస్ హరిషన్గరి స్పందించారు. విద్యార్థులు తమ ఫోన్ నంబర్లను ఫేస్బుక్ లాంటి సామజిక మాధ్యమాల్లో షేర్ చేయకూడదని సూచించారు. అప్పడే ఇలాంటి ప్రమాదాల నుంచి బయటపడతామని చెప్పారు. ఇందుకు తాజాగా ఓ యువకుడి తప్పులు తెలుసుకుని ఓ యువతి పెళ్లిని రద్దు చేసుకుంది అనే విషయాన్ని ఉదహరించారు.
