రాజస్థాన్లోని జైపుర్ జిల్లా చాక్సూ గ్రామంలో జరిగిన ఘోర రోడ్డు ప్రమాదంలో (Jaipur accident news today) ఆరుగురు ప్రాణాలు కోల్పోయారు. ఈ ఘటనలో మరో ఐదుగురు తీవ్రంగా గాయపడ్డారు. క్షతగాత్రులను అధికారులు స్థానిక ఆసుపత్రికి తరలించారు. శనివారం రీట్ పరీక్ష రాసేందుకు బారన్ నుంచి సీకార్ ప్రయాణిస్తున్న క్రమంలో ఈ ప్రమాదం జరిగినట్లు అధికారులు వెల్లడించారు.
అదే కారణం..
వాహనం అదుపు తప్పడం వల్లే ఈ ఘటన జరిగినట్లు అధికారులు స్పష్టం చేశారు. బాధితులు ప్రయాణిస్తున్న వాహనం ఓ ట్రక్కును ఢీకొట్టడం వల్ల ఈ ప్రమాదం జరిగిందని పేర్కొన్నారు. ఈ వాహనంలో మొత్తం 11 మంది ప్రయాణిస్తున్నారని.. ఘటనాస్థలంలోనే ఇద్దరు ప్రాణాలు కోల్పోగా, మిగతా నలుగురు చికిత్స పొందుతూ మృతిచెందినట్లు తెలిపారు.
ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు.
ఇదీ చూడండి : స్నానం చేయట్లేదని భార్యకు విడాకులు!
