Engineering jobs 2023 : హైదరాబాద్లోని ప్రభుత్వ రంగ సంస్థ.. ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్ (ECIL Recruitment 2023) కాంట్రాక్ట్ ప్రాతిపదికన 100 టెక్నికల్ ఆఫీసర్ ఉద్యోగాల భర్తీ కోసం నోటిఫికేషన్ విడుదల చేసింది.
ఉద్యోగాలు - విభాగాలు
ECIL Contract Techincal Officer Jobs : మెకానికల్, ఎలక్ట్రానిక్స్, ఇన్స్ట్రుమెంటేషన్ ఇంజినీరింగ్ తదితర విభాగాల్లో (ECIL Recruitment 2023) అభ్యర్థులు పనిచేయాల్సి ఉంటుంది.
విద్యార్హతలు
ECIL Technical Officer Eligibility :
- అభ్యర్థులు ఆయా పోస్టులను అనుసరించి సంబంధిత స్పెషలైజేషన్లో కనీసం 60% మార్కులతో బీఈ లేదా బీటెక్ ఉత్తీర్ణత సాధించి ఉండాలి.
- అభ్యర్థులు ప్రధానంగా సీఎస్ఈ/ ఐటీ/ ఈసీఈ/ ఈఈఈ/ మెకానికల్/ ఎలక్ట్రికల్/ ఎలక్ట్రానిక్స్/ ఇన్స్ట్రుమెంటేషన్ ఇంజినీరింగ్ పూర్తి చేసి ఉండాలి.
పని అనుభవం :
ECIL Technical Officer Experience : అభ్యర్థులకు కనీసం ఒక ఏడాది పని అనుభవం ఉండాలి.
ఎంపిక విధానం
ECIL Technical Officer Selection Process : అభ్యర్థులను ఇంటర్వ్యూ ఆధారంగా ఉద్యోగాలకు ఎంపిక చేస్తారు.
- ఇంజినీరింగ్ డిగ్రీకి 20 శాతం వెయిటేజీ ఇస్తారు లేదా 20 మార్కులు వేస్తారు.
- పూర్వపని అనుభవానికి కనిష్ఠంగా 10 మార్కులు నుంచి గరిష్ఠంగా 30 మార్కులు/ వెయిటేజీ ఇస్తారు.
- పర్సనల్ ఇంటర్వ్యూను 50 మార్కులకు నిర్వహిస్తారు.
ఇంటర్వ్యూకు తీసుకెళ్లాల్సిన పత్రాలు
ECIL Recruitment 2023 Documents :
- 10వ తరగతి సర్టిఫికేట్ (పుట్టిన తేదీ నిర్ధరణ కోసం)
- ఐడెంటిటీ ప్రూఫ్ (ఆధార్, పాస్పోర్ట్ తదితర పత్రాలు)
- పాస్పోర్ట్ సైజ్ కలర్ ఫొటోగ్రాఫ్స్
- విద్యార్హతకు సంబంధించిన పత్రాలు (ఎస్ఎస్సీ, ఇంటర్, బీఈ/ బీటెక్ సర్టిఫికేట్స్)
- CGPA కన్వర్షన్ సర్టిఫికేట్
- ఎక్స్పీరియన్స్ సర్టిఫికేట్
- కుల ధ్రువీకరణ పత్రం
- దివ్యాంగులు.. బెంచ్మార్క్ డిజేబులిటీ సర్టిఫికేట్ తీసుకొని వెళ్లాలి.
- ఎక్స్-సర్వీస్మెన్.. డిస్ఛార్జ్ సర్టిఫికేట్ చూపించాల్సి ఉంటుంది.
జీతభత్యాలు
ECIL Technical Officer Salary : టెక్నికల్ ఆఫీసర్ ఉద్యోగానికి ఎంపికైన అభ్యర్థులకు (ECIL Recruitment 2023) మొదటి సంవత్సరం నెలకు రూ.25,000 చొప్పున జీతంగా అందిస్తారు. రెండో ఏడాది నెలకు రూ.28,000; 3వ, 4వ సంవత్సరాల్లో నెలకు రూ.31,000 చొప్పున జీతం ఇస్తారు. అలాగే మెడికల్ ఇన్సూరెన్స్, కంపెనీ పీఎఫ్, టీఏ/డీఏ, పెయిడ్ లీవ్స్ తదితర భత్యాలు కూడా అందిస్తారు.
దరఖాస్తు విధానం
ECIL Technical Officer Application Process : అభ్యర్థులు నేరుగా ఈసీఐఎల్ చెప్పిన అడ్రస్కు వెళ్లి ఇంటర్వ్యూలో పాల్గొనాల్సి ఉంటుంది.
ముఖాముఖి
ECIL Technical Officer Interview Dates :
- ఇంటర్వ్యూ తేదీ : 2023 ఆగస్టు 10, ఆగస్టు 11
- ఇంటర్వ్యూ సమయం : ఉదయం 9 గంటల నుంచి 11.30 గంటల వరకు ఇంటర్వ్యూలు జరుగుతాయి.
ఇంటర్వ్యూ జరిగే ప్రదేశం చిరునామా :
ECIL Interview Address : కార్పొరేట్ లెర్నింగ్ అండ్ డెవలప్మెంట్ సెంటర్, నలందా కాంప్లెక్స్, టీఐఎఫ్ఆర్ రోడ్, ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్, ఈసీఐఎల్ పోస్టు, హైదరాబాద్ - 500062
