Cracker Factory Blast In West Bengal : బంగాల్.. ఉత్తర 24 పరగణాల జిల్లాలోని ఓ బాణసంచా ఫ్యాక్టరీలో పేలుడు సంభవించింది. ఆదివారం ఉదయం 10 గంటల సమయంలో జరిగిన ఈ ఘటనలో ఆరుగురు ప్రాణాలు కోల్పోయినట్లు పోలీసులు తెలిపారు. పలువురు గాయపడినట్లు వెల్లడించారు. మృతుల్లో మహిళలు ఉన్నట్లు చెప్పారు.
పోలీసులు తెలిపిన వివరాలు ప్రకారం.. దత్తపుకుర్ పోలీస్ స్టేషన్ పరిధిలోని నీల్‌గంజ్‌ ప్రాంతంలో ఉన్న మోష్‌పోల్‌లో అక్రమంగా నిర్వహిస్తున్న ఓ బాణసంచా ఫ్యాక్టరీలో ఈ ఘటన జరిగింది. ఆదివారం ఉదయం కార్మికులు పనిచేస్తుండగా.. అకస్మాత్తుగా పేలుడు (Blast In Crackers Factory) సంభవించింది. ఈ పేలుడు ధాటికి ఘటనా స్థలంలో మృతదేహాల శరీర భాగాలు చెల్లాచెదురుగా పడి ఉన్నాయని స్థానికులు తెలిపారు. మృతుల శరీర భాగాలు పక్కనున్న ఇళ్లపై, చెట్లపై కూడా పడ్డాయని చెప్పారు. ఈ ప్రమాదంలో సమాచారం అందుకున్న పోలీసులు ఘటనాస్థలికి చేరుకుని సహాయక చర్యలు చేపట్టారు. క్షతగాత్రులను చికిత్స కోసం స్థానికంగా ఉన్న ఆస్పత్రికి తరలించారు.
-
#WATCH | West Bengal: Several people feared dead in an explosion at the Illegal crackers factory in Duttapukur. A rescue operation is underway. The injured are being taken to Barasat Hospital for treatment: Duttapukur Police sources pic.twitter.com/YzKW7cU8gM
— ANI (@ANI) August 27, 2023 " class="align-text-top noRightClick twitterSection" data="
">#WATCH | West Bengal: Several people feared dead in an explosion at the Illegal crackers factory in Duttapukur. A rescue operation is underway. The injured are being taken to Barasat Hospital for treatment: Duttapukur Police sources pic.twitter.com/YzKW7cU8gM
— ANI (@ANI) August 27, 2023#WATCH | West Bengal: Several people feared dead in an explosion at the Illegal crackers factory in Duttapukur. A rescue operation is underway. The injured are being taken to Barasat Hospital for treatment: Duttapukur Police sources pic.twitter.com/YzKW7cU8gM
— ANI (@ANI) August 27, 2023
ఈ ఫ్యాక్టరీలో బాణసంచా తయారీని నిలిపివేసేలా చర్యలు తీసుకోవాలని అధికారులకు ఎన్నిసార్లు విన్నవించుకున్నా.. పట్టించుకోలేదని స్థానికులు ఆగ్రహం వ్యక్తం చేస్తున్నారు. పోలీసుల అండదండలతోనే ఆ ఫ్యాక్టరీలో బాణసంచా తయారీ కొనసాగుతోందని ఆరోపిస్తున్నారు. ఘటనా స్థలంలో రక్తపు మరకలతో ఉన్న మృతదేహాలను చూశానని ఓ స్థానికుడు తెలిపాడు. పేలుడు తర్వాత ఇంటి నుంచి బయటకు రాలేకపోయినా.. ఇతరులతో కలిసి రక్షించానని చెప్పాడు.
ఫ్రిడ్జ్ పేలి.. తల్లి కళ్ల ముందే కుమార్తె, కోడలు మృతి..
Fridge Blast In Bihar : బిహార్.. ముజఫర్పుర్ జిల్లాలో ఫ్రిడ్జ్ పేలి ఇద్దరు మహిళలు మృతిచెందారు. అర్ధరాత్రి సమయంలో ఈ ఘటన జరగడం వల్ల చుట్టుపక్కల వాళ్లు వచ్చేసరికి ఆలస్యం అయింది. దీంతో మంటల్లో తీవ్రంగా గాయపడిన బాధితులు అక్కడికక్కడే మరణించారు.
ఇదీ జరిగింది.. డియోరియా పోలీస్ స్టేషన్ పరిధిలోని డుమ్రీ గ్రామంలో ఈ ప్రమాదం జరిగింది. అర్ధరాత్రి సమయంలో షార్ట్ సర్క్యూట్ కారణంగా (Fridge Blast Reason) ఓ ఇంట్లో ఫ్రిడ్జ్ పేలింది. అనంతరం మంటలు చెలరేగాయి. మంటలు అంటుకోవడం వల్ల.. తల్లి కళ్ల ముందే ఆమె కుమార్తె, కోడలు రీటా అక్కడిక్కడే మృతిచెందారు. అయితే, రీటాకు.. మూడు నెలల క్రితమే నీరజ్ కుమార్ అనే వ్యక్తితో వివాహం జరిగింది. ఈ ఘటనపై బాధిత కుటుంబంతో మాట్లాడుతున్నామని.. కానీ వారు లిఖితపూర్వకంగా ఫిర్యాదు చేయలేదని సరౌయా ఎస్డీపీఓ చందన్ కుమార్ తెలిపారు.
