కర్ణాటకలో అమానవీయ ఘటన జరిగింది. అంగన్వాడీ టీచర్, సహాయకురాలు ఓ బాలుడి పట్ల నిర్లక్ష్యంగా వ్యవహరించారు. అంగన్వాడీకి వచ్చిన ఓ బాలుడ్ని టాయిలెట్లో ఉంచి తాళం వేసి వెళ్లిపోయారు. బాలుడి పట్ల నిర్లక్ష్యంగా వ్యవహరించిన అంగన్వాడీ సిబ్బందిని .. విధుల నుంచి సస్పెండ్ చేశారు ఉన్నతాధికారులు.
అసలేం జరిగిందంటే.. కోలార్ జిల్లాలోని హరోహళ్లిలోని అంగన్వాడీలో టీచర్గా సుధ, హెల్పర్గా శారద పనిచేస్తున్నారు. అంగన్వాడీకి వచ్చిన ఓ బాలుడు ఇంటికి వచ్చే ముందు టాయిలెట్కు వెళ్లాడు. కానీ టీచర్, హెల్పర్ అది గమనించకపోవడం వల్ల టాయిలెట్కు తాళం వేసి ఇంటికి వెళ్లిపోయారు. అయితే బాలుడి కోసం అతని తల్లిదండ్రులు గ్రామమంతా వెతికారు. ఎంతకీ బాలుడు కనిపించలేదు. ఆఖరికి అంగన్వాడీ వద్దకు వచ్చి వెతికారు. బాలుడి ఏడుపు వినిపించింది. వెంటనే తలుపు తీసి టాయిలెట్ నుంచి తమ బిడ్డను బయటకు తీశారు. మంగళవారం జరిగిన ఈ ఘటన ఆలస్యంగా వెలుగులోకి వచ్చింది.
అంగన్వాడీ సిబ్బంది నిర్లక్ష్యం వల్ల బాలుడు కొన్ని గంటలపాటు టాయిలెట్లోనే ఉండిపోయాడు. అంగన్వాడీ సిబ్బంది బాధ్యతారాహిత్యంపై గ్రామస్థులు ఆగ్రహం వ్యక్తం చేస్తున్నారు. ఈ నేపథ్యంలో బంగారుపేట సీడీపీఓ మునిరాజు ఘటనా స్థలాన్ని పరిశీలించారు.
ఇవీ చదవండి: 'సోవా'తో సొమ్మంతా స్వాహా.. భారత్కు కొత్త మొబైల్ వైరస్ ముప్పు!
