కూలీ పనులు చేస్తూ రోజుకు రూ.500 సంపాదించే ఓ వ్యక్తికి ఆదాయపు పన్ను శాఖ నుంచి నోటీసులు అందాయి. బిహార్లోని ఖగాడియా జిల్లా మఘౌనా గ్రామానికి చెందిన గిరీశ్ యాదవ్కు.. తన పేరు మీద బకాయి పడిన రూ.37.5 లక్షలను వెంటనే చెల్లించాలని ఐటీ శాఖ ఆదేశించింది. దాన్ని చూసిన గిరీశ్ ఒక్కసారిగా ఆశ్చర్యానికి గురయ్యాడు. వెంటనే దగ్గరలో ఉన్న అలౌలి పోలీస్ స్టేషన్లో ఫిర్యాదు చేశాడు. దీనిపై కేసు నమోదు చేసి, దర్యాప్తు చేపడుతున్నట్లు స్టేషన్ హౌస్ ఆఫీసర్ పురేంద్ర కుమార్ తెలిపారు. ఫిర్యాదుదారు పేరుపై ఉన్న పాన్ నంబర్‌ ద్వారా నోటీసు అందుకున్నట్లు చెప్పారు.
"గిరీశ్ కుమార్ ఉపాధి కోసం దిల్లీలో చిన్నచిన్న పనులు చేస్తుంటానని చెప్పాడు. అక్కడే పాన్ కార్డ్ కోసం గతంలో ఓ మధ్యవర్తిని సంప్రదించాడు. కానీ ఆ మధ్యవర్తి తర్వాత ఎప్పుడూ తనను కలవలేదని గిరీశ్ చెప్పాడు. రాజస్థాన్లో ఓ కంపెనీతో గిరీశ్కు సంబంధం ఉన్నట్లుగా ఐటీ శాఖ నోటీసుల్లో ఉంది. అసలు ఆ రాష్ట్రానికి తానెప్పుడూ వెళ్లలేదని అతడు అంటున్నాడు" అని చెప్పారు పురేంద్ర.
ఇవీ చదవండి
