దేశంలో అత్యాచార ఘటనలు రోజురోజుకూ పెరిగిపోతున్నాయి. ఉత్తర్ప్రదేశ్లో హాథ్రస్ ఘటన మరువకముందే రాజస్థాన్లో మరో దారుణం జరిగింది. ఓ 19 ఏళ్ల యువతిపై కొంతమంది సామూహిక అత్యాచారం చేశారు.
ఇదీ జరిగింది...
చురూ జిల్లాలో సెప్టెంబర్ 24న ఎస్ఎస్సీ పరీక్షకు దరఖాస్తు చేసేందుకు విక్రమ్ అనే తెలిసిన వ్యక్తితో బయటకు వెళ్లింది ఓ యువతి. సాయం చేసే నెపంతో ఆమెను కారులో ఎక్కించుకున్నాడు విక్రమ్. అప్పటికే కారులో మరో ముగ్గురు వ్యక్తులు ఉన్నారు. మాయమాటలు చెప్పి యువతిని ఓ హోటల్కు తీసుకువెళ్లి మత్తుమందు కలిపిన పానీయం తాగించి సామూహిక అత్యాచారం చేశారు. ఈ దారుణాన్ని చరవాణిలో చిత్రీకరించారా రాక్షసులు. ఎవరికీ ఈ విషయాన్ని చెప్పకూడదని బెదిరించారు.
అనంతరం బాధితురాలు పోలీసులకు ఫిర్యాదు చేసింది. ముకేశ్ గుర్జార్ అనే వ్యక్తి తనను వారం రోజులుగా జైపుర్ హోటల్లో అత్యాచారం చేసినట్లు పేర్కొంది. ఘటనపై మొత్తం 9 మందిపై కేసు నమోదు చేసి దర్యాప్తు చేస్తున్నారు పోలీసులు.
