'ఇండియా పేరు మార్పుపై ఆదేశాలివ్వలేం'

ఇండియా పేరును భారత్​గా మార్చాలని ఆదేశాలివ్వాలంటూ దాఖలైన పిటిషన్​ను విచారించింది సుప్రీంకోర్టు. సంబంధిత మంత్రిత్వ శాఖలు రిప్రజంటేషన్​గా పరిగణించి నిర్ణయం తీసుకోవాలని చెప్పింది. ప్రస్తుతం ఎలాంటి ఆదేశాలు ఇవ్వలేమని స్పష్టం చేసింది.

ఇండియా పేరును 'భారత్'​ లేదా 'హిందుస్థాన్​'​గా మార్చేందుకు ఆదేశాలు జారీ చేయాలని దాఖలైన పిటిషన్​ను విచారించింది సుప్రీంకోర్టు.

ఆర్టికల్​ 1లో సవరణలు చేసి ఇండియా పేరును భారత్​గా మార్చాలని పిటిషనర్​ వాదించారు. రాజ్యాంగంలో దేశం పేరు భారత్​ అని కూడా ఉందని పేర్కొన్న సర్వోన్నత న్యాయస్థానం.. సంబంధిత మంత్రిత్వ శాఖలు రిప్రజంటేషన్​గా పరిగణించి నిర్ణయం తీసుకోవాలని, పిటిషన్​పై ఎలాంటి ఆదేశాలు ఇవ్వలేమని స్పష్టం చేసింది.

ఇండియా అనే పేరుకు బదులుగా భారత్​ లేదా హిందుస్థాన్​ అనే పదాలను వాడాలంటూ దిల్లీకి చెందిన ఓ వ్యక్తి సుప్రీంకోర్టులో గతవారం పిటిషన్ దాఖలు చేశారు. భారత్, హిందుస్థాన్ అనే పేర్లు భారత చరిత్రను తెలియజేసేలా ఉంటాయని పిటిషన్‌లో పేరొన్నారు. 1948లో కూడా వీటి పేర్ల ప్రస్తావన వచ్చినట్లు వివరించారు.