కేంద్ర మధ్యంతర బడ్జెట్లో ఉద్యోగావకాశాలపై ప్రభుత్వం మౌనంగా ఉండటంపై ఆగ్రహించిన విద్యార్థి సంఘాలు ఆందోళనకు సిద్ధమవుతున్నాయి. ఫిబ్రవరి 7న ఎర్రకోట నుంచి పార్లమెంటు వరకు ర్యాలీ నిర్వహిస్తామని వివిధ విద్యార్థి సంఘాలు సంయుక్తంగా ప్రకటించాయి.
"దేశంలో నిరుద్యోగ సమస్య నానాటికీ పెరుగుతుంటే ప్రభుత్వం ఆ దిశగా చర్యలు తీసుకోకపోవటం యువతకు పెద్ద ఎదురుదెబ్బ. నిరుద్యోగంతో పాటు ఇంకా అనేక అంశాలను బడ్జెట్లో పేర్కొనలేదు. ఉద్యోగుల క్రమబద్దీకరణ, కనీస వేతన పెంపు లాంటి కీలక విషయాలను ప్రభుత్వం విస్మరించింది. మోదీ ప్రభుత్వ చర్యలతో విశ్వవిద్యాలయాల ప్రాంగణాలు యుద్ధ రంగాల్లా మారుతున్నాయి. "
- విద్యార్థి సంఘాలు
