క్షణికావేశం.. కన్నవాళ్లను కడతేర్చింది

కర్ణాటక కొప్పల్​ జిల్లా కనకగిరి పట్టణంలో దారుణం జరిగింది. ఓ వ్యక్తి కన్న తల్లిదండ్రులనే దారుణంగా ఇనుపరాడ్డు​తో కొట్టి చంపాడు. నిందితుడిని అదుపులోకి తీసుకున్న పోలీసులు కేసు నమోదు చేసి దర్యాప్తు చేస్తున్నారు.

కన్న కొడుకు.. తల్లిదండ్రులను ఇనుపరాడ్​తో కొట్టి చంపేసిన హేయమైన ఘటన కర్ణాటక కొప్పల్​ జిల్లా కనకగిరి పట్టణంలో జరిగింది.

నిందితుడు రమేశ్​ మాడివాలార్ భార్య పుట్టింటికి వెళ్లి అక్కడే ఉంటోంది. ఆమెను తిరిగి ఇంటికి తీసుకువచ్చేందుకు రమేశ్​ తల్లిదండ్రులు అంగీకరించలేదు. దీంతో రమేశ్​.. అతని తల్లిదండ్రులు అక్కమ్మ, గిరియప్పలతో వాగ్వాదానికి దిగాడు. ఆ సమయంలో విచక్షణ కోల్పోయిన రమేశ్​.. ఇనుపరాడ్డు​తో తల్లిదండ్రులపై దాడి చేశాడు. తల్లి అక్కమ్మ అక్కడికక్కడే చనిపోగా.. ఆసుపత్రికి తరలిస్తుండగా మార్గమధ్యలో తండ్రి గిరియప్ప మరణించాడు.

రమేశ్​ను అదుపులోకి తీసుకున్న పోలీసులు.. కేసు నమోదు చేసి దర్యాప్తు చేస్తున్నట్లు తెలిపారు.

ఇదీ చూడండి: జమ్ముకశ్మీర్​లో ఎన్​కౌంటర్​- ఓ ముష్కరుడు హతం