దేశంలో 10 లక్షలు దాటిన కరోనా కేసులు

భారత్​లో కరోనా విలయతాండవం సృష్టిస్తోంది. కొత్తగా రికార్డు స్థాయిలో 34,956 కరోనా కేసులు నమోదయ్యాయి. దీనితో మొత్తం కేసుల సంఖ్య 10 లక్షలు దాటింది. మరో 687 మంది మహమ్మారి బారిన పడి ప్రాణాలు కోల్పోయారు.

భారత్​లో కరోనా ఉద్ధృతి కొనసాగుతోంది. కొత్తగా రికార్డు స్థాయిలో 34,956 పాజిటివ్​ కేసులు నమోదయ్యాయి. ఒక్కరోజులో నమోదైన కేసుల్లో ఇదే అత్యధికం. దీనితో మొత్తం కేసుల సంఖ్య 10 లక్షలు దాటింది. మరో 687 మంది కరోనా బారిన పడి మరణించారు.

భారత్​లో 10 లక్షలు దాటిన కరోనా కేసులు

• మహారాష్ట్రలో కరోనా​ మహమ్మారి చెలరేగిపోతోంది. రాష్ట్రంలో మొత్తం కేసుల సంఖ్య 2,84,281కి చేరింది. 11,194 మంది వైరస్​కు బలయ్యారు.
• తమిళనాడులో కేసులు 1,56,369కి చేరాయి. 2,236 మంది ప్రాణాలు కోల్పోయారు.
• దిల్లీలో కొవిడ్​ బాధితుల సంఖ్య 1,18,645గా ఉంది. మొత్తంగా 3,545 మంది మృతి చెందారు.
• గుజరాత్​లో మొత్తంగా 45,481 మందికి కరోనా పాజిటివ్​గా నిర్ధరణయింది. 2,089 మంది కరోనా కారణంగా చనిపోయారు.

ఇదీ చూడండి: అమెరికాలో చదువుపై నీలినీడలు