దేశంపై ఉన్న ప్రేమను ఒక్కొక్కరు ఒక్కోలా చూపుతారు. స్వాతంత్య్ర, గణతంత్ర దినోత్సవాలు, ఇతర సందర్భాల్లో పలు కార్యక్రమాలు నిర్వహించి తమలోని దేశభక్తిని బయపెడుతుంటారు. కానీ, కర్ణాటకలోని ఛామరాజనగర్కు చెందిన ఓ వ్యక్తి ఇంటిలోనే 'ఇండియా మందిర్' ఏర్పాటు చేసి తనలోని దేశభక్తిని చాటుకున్నాడు.
ఛామరాజనగర్ తాలుక కెల్లంబల్లి గ్రామానికి చెందిన భవన నిర్మాణ కార్మికుడు రవికుమార్.. తన ఇంటి గోడపై ఇండియా మ్యాప్ను ఏర్పాటు చేసుకున్నాడు. అంతేకాదు ప్రతిరోజు దానికి నమస్కరించనిదే మరో పని చేయడు. వారానికోసారి ఆ మ్యాప్కు పూజలు నిర్వహిస్తాడు.
కరోనా మహమ్మారిని అరికట్టేందుకు దేశవ్యాప్తంగా లాక్డౌన్ విధించిన సమయంలో తన ఇంటి గోడను కూలగొట్టి కొత్తగా నిర్మించాడు రవికుమార్. ఆ గోడలోనే భారత చిత్రపటం, జాతీయ జెండాలను ఆకృతులను నిర్మించాడు.
రవికుమార్ తన సొంత ఖర్చుతో సైనికుల స్మారక స్థూపాన్ని నిర్మించాలనుకున్నాడు. అదే కోరిక ఈ ఇండియా మందిర్కు రూపునిచ్చింది. పెద్దగా చదువుకోకపోయినా.. దేశం అంటే ప్రేమ ఉన్నవారికి ఒక మోడల్గా మారాడు.
ఇదీ చూడండి: స్వాతంత్య్ర వేడుకలు హింసాత్మకం.. భాజపా కార్యకర్త మృతి
