తప్పుడు మార్గాల ద్వారా గౌరవప్రదమైన ఉపాధ్యాయ కొలువు సంపాదించి సస్పెండైన నకిలీ టీచర్లపై ఉత్తర్ప్రదేశ్ ప్రభుత్వం కొరడా ఝుళిపించింది. గోరఖ్పూర్ జిల్లాలో వెలుగుచూసిన ఈ ఘటనలో.. 51మంది ఉపాధ్యాయుల నుంచి రూ.13 కోట్లు వసూలు చేయనుంది యూపీ సర్కార్.
విధుల నుంచి బహిష్కరించిన 51మంది ఉపాధ్యాయుల్లో 39మందిపై ఎఫ్ఐఆర్ నమోదు చేశారు అధికారులు. సమగ్ర విచారణ చేపట్టేందుకు ప్రత్యేక దర్యాప్తు బృందం(సిట్) సహా.. నిందితులను పట్టుకునేందుకు ప్రత్యేక పోలీసు టీమ్ను ఏర్పాటు చేశారు.
ఏం జరిగిందంటే...
గత కొన్నేళ్లుగా చాలా మంది నకిలీ ఉపాధ్యాయులు.. మోసపూరితంగా జీతాలు తీసుకుంటున్నారని వార్తలు వచ్చిన నేపథ్యంలో గోరఖ్పూర్ ప్రాథమిక పాఠశాల విద్యాధికారి(బీఎస్ఏ) భూపేంద్ర నారాయణ్ సింగ్ దర్యాప్తు చేపట్టారు. సమగ్ర వివరాలు ఆరా తీసిన భూపేంద్ర.. 51 మంది ఉపాధ్యాయులను సస్పెండ్ చేశారు.
ఇదీ చదవండి: 'భారత సంస్కృతిని జగతికి చాటిన మహనీయుడు'
