ఉత్తర్ప్రదేశ్ లఖ్నవూలో అగ్నిప్రమాదం జరిగింది. ఏశ్బాగ్ ప్రాంతంలోని దోబీఘాట్లో మంటలు చెలరేగాయి. ఈ ఘటనలో ఎవరూ గాయపడలేదు. అప్రమత్తమైన అగ్నిమాపక దళాలు వెంటనే మంటలను ఆర్పివేశాయి.
యూపీలో అగ్నిప్రమాదం- 60 గుడిసెలు దగ్ధం!
అగ్నిప్రమాదం జరిగిన ప్రాంతంలో 50-60 గుడిసెలు ఉన్నాయని అధికారులు తెలిపారు. షార్ట్ సర్క్యూట్ వల్లే ప్రమాదం జరిగిందని అనుమానిస్తున్నారు.
"అర్ధరాత్రి 1.30 గంటలకు అగ్నిప్రమాద సమాచారం అందింది. 15 నిమిషాల్లో అక్కడికి చేరుకొని మంటలు ఆర్పే ప్రయత్నాలు చేశాం. ఇక్కడ 50-60 గుడిసెలు ఉన్నాయి. గాయాలు, ఆచూకీ కోల్పోయిన వారి సమాచారంపై స్పష్టత లేదు."
- విజయ్ కుమార్ సింగ్, చీఫ్ ఫైర్ ఆఫీసర్
