భారత్లోని నగరవాసుల చింత అంతా కరోనా వైరస్ గురించే ఉందని ఓ అంతర్జాతీయ సర్వేలో తేలింది. వీరికి.. నిరుద్యోగం, నేరాలు, పేదరికం, అసమానతలు వంటి సమస్యలు కరోనా తర్వాతేనని సర్వే పేర్కొంది. అయితే వైరస్పై పోరులో దేశం సరైన మార్గంలోనే ఉన్నట్టు అధిక మంది అభిప్రాయపడ్డట్లు తెలిపింది.
"నగరాల్లో ఉండే 62శాతం భారతీయులు కరోనాతో ఆందోళన చెందుతున్నట్టు తెలిపారు. 38 శాతం మంది నిరుద్యోగం, 24 శాతం మంది నేరాలు-హింస, 21 శాతం మంది పేదరికం- సామాజిక అసమానతలను పేర్కొన్నారు. అయితే దేశం సరైన మార్గంలోనే అడుగులు వేస్తున్నట్టు 65శాతం మంది అభిప్రాయపడ్డారు."
--- సర్వే.
ప్రపంచవ్యాప్తంగా 28దేశాల్లో మార్చి 20 నుంచి ఏప్రిల్ 3 మధ్య ఇప్సోస్ సంస్థ ఆన్లైన్ ప్యానెల్ వ్యవస్థ ద్వారా 'వాట్ వర్రీస్ ద వరల్డ్' అనే సర్వే నిర్వహించింది.
అయితే కరోనాపై పోరులో తమ దేశం మెరుగైన స్థితిలో లేదని ప్రపంచవ్యాప్తంగా ప్రజలు భావిస్తున్నారు. చిలీ(80శాతం), ఫ్రాన్స్(74శాతం), దక్షిణాఫ్రికాలో(71శాతం) ప్రజలు తీవ్ర ఆందోళన చెందుతున్నారు.
చైనా(99శాతం), సౌదీ అరేబియా(90శాతం), పెరూ(75శాతం), మలేషియా(66శాతం) దేశాలు భవిష్యత్తుపై ధీమాగా ఉన్నాయి.
ఇదీ చూడండి:- కొవిడ్‌ మాయాజాలం.. రూపు మారనున్న రాజకీయం
