ఆయుష్మాన్ భారత్ పరిధిలోకి వచ్చే వారందరూ దేశంలోని అన్ని ప్రైవేటు ల్యాబ్ల్లో కరోనా పరీక్షలు, చికిత్స ఉచితంగా చేయించుకోవచ్చని జాతీయ ఆరోగ్య ప్రాధికార సంస్థ(ఎన్ హెచ్ఏ) స్పష్టం చేసింది. ఈ నిర్ణయం ద్వారా కరోనా వైరస్ తో పోరాడటంలో భారత సామర్థ్యం మరింత పెరుగుతుందని అభిప్రాయం వ్యక్తం చేసింది.
"ప్రభుత్వ ఆస్పత్రుల్లో కొవిడ్-19 పరీక్షలు, చికిత్స సేవలు ఇప్పటికే ఉచితంగా అందిస్తున్నారు. వైద్య భరోసా పథకం కింద అర్హులైన 50 కోట్ల మంది.. ప్రైవేటు ల్యాబ్ల్లోనూ ఇప్పుడు ఉచిత పరీక్షలు చేయించుకోవచ్చు."
-నేషనల్ హెల్త్ అథారిటీ
ఆయుష్మాన్ భారత్ ప్రధానమంత్రి జన్ ఆరోగ్య యోజన పథకం కింద నమోదు చేసుకున్న ఆస్పత్రుల్లో ఈ పరీక్షలు ఉచితంగా చేసుకోవచ్చని ఎన్హెచ్ఏ తెలిపింది. కేసులు ఒక్కసారిగా పెరిగే సమయంలో కరోనా బాధితులకు చికిత్స నిర్వహించడానికి ప్రైవేటు రంగ భాగస్వామ్యం కీలకంగా మారుతుందని అభిప్రాయపడింది.
భారత వైద్య పరిశోధనా మండలి నిబంధనల ప్రకారం.. ప్రభుత్వ ఆమోదం ఉన్న ప్రైవేటు ల్యాబ్ల్లో కరోనా పరీక్షలు నిర్వహించనున్నారు.
సామర్థ్యం పెరుగుతుంది
ఇలాంటి విపత్కర సమయంలో కొవిడ్-19పై పోరాడేందుకు కీలకమైన ప్రైవేటు రంగం భాగస్వామయ్యేలా చేయాలని కేంద్ర ఆరోగ్య మంత్రి హర్షవర్ధన్ సూచించారు. ప్రైవేటు ల్యాబ్ల్లో కరోనా పరీక్షలు చేయడం ద్వారా వైరస్ పరీక్షల సామర్థ్యాన్ని గణనీయంగా పెంచవచ్చని అన్నారు.
