దేశంలో మరో 78,357 కేసులు, 1045 మరణాలు

దేశంలో కరోనా వ్యాప్తి ఏ మాత్రం తగ్గడం లేదు. కొత్తగా 78,357 మందికి వైరస్​ సోకినట్లు తేలింది. మరో 1,045 మంది మహమ్మారి కారణంగా ప్రాణాలు కోల్పోయారు. అయితే.. అదే స్థాయిలో కోలుకున్న వారి సంఖ్యా గణనీయంగా పెరగడం ఊరటనిస్తోంది.

దేశంలో కొవిడ్​ విలయతాండవం కొనసాగుతూనే ఉంది. మంగళవారం ఒక్కరోజే 78,357 కొత్త కేసులు వెలుగుచూశాయి. మొత్తం బాధితుల సంఖ్య 37 లక్షల 69 వేల 524కు చేరింది. వైరస్​ ధాటికి మరో 1,045 మంది బలవ్వగా.. మరణాల సంఖ్య 66వేల 333కు పెరిగింది.

దేశంలో కరోనా కేసుల వివరాలు

దేశవ్యాప్తంగా మంగళవారం ఒక్కరోజే 10,12,367 కరోనా పరీక్షలు నిర్వహించినట్లు భారత వైద్య పరిశోధన మండలి(ఐసీఎంఆర్) తెలిపింది. ఫలితంగా మొత్తం టెస్ట్​ల సంఖ్య 4 కోట్ల 43 లక్షలకు చేరింది.

రాష్ట్రాల వారిగా కరోనా కేసులు

సానుకూలంగా రికవరీ రేటు..

పెరుగుతున్న కొవిడ్​ కేసులకు అనుగుణంగా.. కోలుకున్న వారి సంఖ్యా గణనీయమైన వృద్ధిని సాధిస్తోంది. దేశవ్యాప్త రికవరీ రేటు 76.98 శాతంగా ఉంది. మరణాల రేటు కూడా మరింత ఊరట కలిగిస్తూ 1.76 శాతానికి పడిపోయింది.

ఇదీ చదవండి: 2036లో దేశ జనాభా 151.8 కోట్లు