ఫోన్​ టార్చ్​ వెలుతురులో ప్రసవం

విద్యుత్​ లేక సెల్​ఫోన్​ వెలుతురులో ఓ మహిళకు కాన్పు చేశారు కర్ణాటక కలబుర్గి వైద్యులు. ప్రాథమిక ఆరోగ్యకేంద్రాల్లో పవర్​ బ్యాకప్​ లేకుపోవడం వల్ల ఈ పరిస్థితి ఏర్పడిందని తెలిపారు.

పురిటి నొప్పులతో ఆసుపత్రికి వచ్చిన మహిళను మొబైల్​ ఫోను వెలుతురులో ప్రసవించేలా చేశారు వైద్యులు. ఈ ఘటన కర్ణాటక కలబుర్గిలోని కల్లూర్​ గ్రామంలో జరిగింది.

సిద్దమ్మ అనే మహిళ ప్రసవ వేదనతో స్థానిక ఆసుపత్రికి చేరుకోగా అప్పటికే ఆ ప్రాంతంలో విద్యుత్​కు అంతరాయం ఏర్పడింది. తప్పని పరిస్థితుల్లో వైద్యులు మొబైల్ టార్చ్​ వెలుతురులోనే పండంటి మగబిడ్డకు జన్మనిచ్చేలా చేశారు.

ఆసుపత్రిలో పవర్​ బ్యాకప్​ లేకపోవడంపై స్థానికులు ఆవేదన వ్యక్తం చేశారు. ఇందుకు సంబంధించి సరైన ఏర్పాట్లు చేయాలని ఆరోగ్యాధికారులను కోరారు.