BEL RECRUITMENT 2023 : భారత్ ఎలక్ట్రానిక్స్ లిమిటెడ్ తాజాగా 205 'ట్రైనీ ఇంజినీర్, ప్రోజెక్ట్ ఇంజినీర్ పోస్టు'ల భర్తీకి నోటిఫికేషన్ విడుదల చేసింది. ఎంపికైన అభ్యర్థులకు నెలకు రూ.55,000 వేతనం ఉంటుంది. దరఖాస్తు చేయడానికి ఆఖరు తేదీ 2023 జూన్ 24.
పోస్టుల వివరాలు
- ట్రైనీ ఇంజినీర్ I (జాబ్ కోడ్ FLC01) - 125 పోస్టులు
- ట్రైనీ ఇంజినీర్ I (జాబ్ కోడ్ SPS02) - 09 పోస్టులు
- ట్రైనీ ఇంజినీర్ I (జాబ్ కోడ్ MH03) - 08 పోస్టులు
- ట్రైనీ ఇంజినీర్ I (జాబ్ కోడ్ EVM04) - 43 పోస్టులు
- ట్రైనీ ఇంజినీర్ I (జాబ్ కోడ్ SK05) - 06 పోస్టులు
- ప్రోజెక్ట్ ఇంజినీర్ I (జాబ్ కోడ్ EVM06) - 14 పోస్టులు
బెల్ రిక్రూట్మెంట్ టెన్యూర్
- ప్రోజెక్ట్ ఇంజినీర్ I పోస్టులకు ఎంపికైన అభ్యర్థులు 3 ఏళ్ల పాటు బీఈఎల్లో పనిచేయాల్సి ఉంటుంది. ప్రాజెక్ట్ అవసరాల దృష్ట్యా, అభ్యర్థుల ప్రతిభ ఆధారంగా.. మరో ఏడాది పాటు వారి టెన్యూర్ పొడిగించే అవకాశం ఉంటుంది. అంటే గరిష్ఠంగా 4 ఏళ్లపాటు పనిచేయాల్సి ఉంటుంది.
- ట్రైనీ ఇంజినీర్ I పోస్టులకు ఎంపికైన అభ్యర్థులు 2 ఏళ్ల పాటు బీఈఎల్లో పనిచేయాల్సి ఉంటుంది. ప్రాజెక్ట్ అవసరాల దృష్ట్యా, అభ్యర్థుల ప్రతిభ ఆధారంగా.. మరో ఏడాది పాటు వారి టెన్యూర్ పొడిగించే అవకాశం ఉంటుంది. అంటే గరిష్ఠంగా 3 ఏళ్ల పాటు సంస్థలో పనిచేయాల్సి ఉంటుంది.
వయోపరిమితి
ట్రైనీ ఇంజినీర్ పోస్టులకు గరిష్ఠ వయోపరిమితి 28 ఏళ్లు. కాగా ప్రోజెక్ట్ ఇంజినీర్ పోస్టులకు గరిష్ఠ వయోపరిమితి 32 ఏళ్లు ఉంటుంది.
వేతనాలు
- ప్రాజెక్ట్ ఇంజినీర్లకు మొదటి ఏడాది రూ.40,000, రెండో ఏడాది రూ.45,000, మూడో ఏడాది రూ.55,000 చొప్పున వేతనం ఇస్తారు.
- ట్రైనీ ఇంజినీర్లకు మొదటి ఏడాది రూ.30,000, రెండో ఏడాది రూ.35,000, మూడో ఏడాది రూ.40,000 చొప్పున్న వేతనం అందిస్తారు.
విద్యార్హతలు
బెల్ నోటిఫికేషన్ 2023లో పేర్కొన్న విధంగా ఆయా పోస్టులకు సంబంధిత విభాగాల్లో నాలుగేళ్ల వ్యవధి గల ఇంజినీరింగ్ కోర్సు పూర్తి చేసి ఉండాలి. పూర్తి వివరాలకు అధికారిక వెబ్సైట్ను సందర్శించండి.
ఎంపిక ప్రక్రియ
అభ్యర్థులకు ముందు రాత పరీక్ష నిర్వహిస్తారు. అందులో ఉత్తీర్ణత సాధించినవారిని కేటగిరీల వారీగా 1:5 నిష్పత్తిలో ఇంటర్వ్యూకు పిలుస్తారు. పరీక్ష తేదీ, ఇంటర్వ్యూ వివరాలు తరువాత వెల్లడిస్తామని నోటిఫికేషన్లో పేర్కొన్నారు.
అప్లికేషన్ ఫీజు
అభ్యర్థులు కేవలం ఆన్లైన్లో మాత్రమే దరఖాస్తు చేసుకోవాల్సి ఉంటుంది. ప్రాజెక్ట్ ఇంజినీర్ పోస్టులకు అప్లై చేసే జనరల్, ఈడబ్ల్యూసీ, ఓబీసీ కేటగిరీ అభ్యర్థులు రూ.400 అప్లికేషన్ ఫీజు + 18 శాతం జీఎస్టీ చెల్లించాలి. ట్రీనీ ఇంజినీర్ పోస్టులకు దరఖాస్తు చేసే జనరల్, ఈడబ్ల్యూసీ, ఓబీసీ కేటగిరీ అభ్యర్థులు రూ.150 దరఖాస్తు రుసుముతో పాటు 18 శాతం జీఎస్టీ చెల్లించాలి.
ఇవీ చదవండి :
