గుజరాత్‌లోని ప్రాథమిక పాఠశాలల ఫలితాల్లో ఉపాధ్యాయుల నిర్లక్ష్యం తల్లిదండ్రులను ఆశ్చర్యానికి గురిచేసింది. భిలోడా తాలూకాలోని జబ్చితరాయ గ్రామానికి చెందిన ఓ ప్రాథమిక పాఠశాల విద్యార్థి వార్షిక ఫలితాలు చూసి తల్లిదండ్రులు అవాక్కయ్యారు. రెండు సబ్జెక్టుల్లో ఉపాధ్యాయులు గరిష్ట మార్కుల కంటే ఎక్కువ మార్కులు ఇచ్చారు.
గుజరాతీలో 160 మార్కులకు 173.. సైన్స్ అండ్ టెక్నాలజీలో 160 నుంచి 171 మార్కులు వచ్చాయి. అయితే కంప్యూటర్‌ సాఫ్ట్‌వేర్‌ వల్లే ఈ తప్పు జరిగిందని పాఠశాల ఉపాధ్యాయులు సమర్థించుకున్నారు. బనస్కాంతలోని థారద్ ప్రాంతంలోనూ పాఠశాలల ఫలితాలు కూడా చర్చనీయాంశమయ్యాయి. ఇందులో సంస్కృతంలో..160కి 165 మార్కులు ఇవ్వగా సాంఘిక శాస్త్రానికి 160కి 174 మార్కులు ఇచ్చారు. ఈ పాఠశాలలో ఉపాధ్యాయులే మార్కులను రిపోర్టులో నమోదుచేశారు.
ఇవీ చదవండి: 'విదేశీ విరాళాల'పై సీబీఐ నజర్.. అదుపులో హోంశాఖ అధికారులు!
