రెండు కిలోమీటర్ల మేర ఉన్న పనికిరాని రైలు పట్టాల వ్యర్థాలను అపహరించారు దొంగలు. ఈ ఘటన బిహార్లోని సమస్తిపుర్ రైల్వే డివిజన్ పరిధిలో జరిగింది. గతంలో మధుబని లోహత్ షుగర్ మిల్ నుంచి పండోల్ స్టేషన్ వరకు రైల్వే లైన్ వేశారు. అయితే ఏళ్ల తరబడి ఈ చక్కెర మిల్లు మూతపడి ఉండటం వల్ల ఈ మార్గం వినియోగంలో లేదు. దీంతో దొంగలు ఈ పట్టాలను తీసుకెళ్లిపోయారు. జనవరి 24న ఈ ఘటన వెలుగు చూసింది. కాగా, స్టేషన్లో పని చేసే అధికారులే ఈ దొంగతనానికి సహకరించి ఉంటారని పోలీసులు భావిస్తున్నారు. దీనిపై డిపార్ట్మెంట్లో అంతర్గత విచారణ జరుపుతున్నామని అధికారులు తెలిపారు.
ఈ కేసుపై ఎఫ్ఐఆర్ నమోదు చేసుకున్న దర్భంగా ఆర్పీఎఫ్ పోలీసులు దర్యాప్తు ప్రారంభించారు. ఈ చోరీకి బాధ్యుల్ని చేస్తూ డివిజన్ సెక్యూరిటీ కమిషనర్‌తో పాటు ఇద్దరు ఉద్యోగులను రైల్వే శాఖ సస్పెండ్ చేసింది. కాగా గతంలో పుర్నియా కోర్టు స్టేషన్ పరిధిలో ఇలాగే.. ఓ రైల్వే ఇంజన్ చోరీకి గురైంది. గతేడాది నవంబరులో బెగుసరాయ్ జిల్లా బరౌనీ ప్రాంతంలోనూ ఇదే తరహా ఘటన జరిగింది. గర్హరా రైల్వేయార్డ్లో మరమ్మతులకోసం తీసుకువచ్చిన ఓ ట్రైన్ ఇంజిన్ను.. దొంగలు మాయం చేశారు. దొంగలు ఈ ఇంజిన్ను వారం రోజుల్లో కొన్ని ముక్కలుగా చేసి ఎత్తుకుపోతూ.. చివరకు ఇంజిన్నే లేకుండా చేశారు. ఈ చోరీ కోసం ఆ దొంగల ముఠా ప్రత్యేక సొరంగ మార్గాన్ని కూడా ఏర్పాటు చేసుకున్నారు. పూర్తి వివరాలకు ఈ లింక్పై క్లిక్ చేయండి.
గత సంవత్సరం ఏప్రిల్లో ఏకంగా బ్రిడ్జినే అపహరించారు బిహార్ దొంగలు. ఎవరికీ అనుమానం రాకుండా మూడురోజుల్లో ఈ పనిని కానిచ్చేశారు. వాడుకలో లేని ఈ వంతెనలో భారీగా ఇనుము ఉండటం చూసి దొంగలు పక్కా పథకం పన్నారు. ఇరిగేషన్ శాఖ అధికారులమని చెప్పి గ్యాస్ కట్టర్లు, జేసీబీని ఉపయోగించి ఇనుమునంతా కట్ చేశారు. ఎంచక్కా దాన్ని డీసీఎంలో లోడ్ చేసి దర్జాగా తీసుకెళ్లారు. ఈ ఘటన ఎక్కడ? ఎలా జరిగిందనే పూర్తి వివరాలకు ఈ లింక్పై క్లిక్ చేయండి.
