అమెరికాలో రోడ్డు ప్రమాదం - తెలంగాణ విద్యార్థిని మృతి

Telangana Women Died Road Accident in America : అమెరికాలో జరిగిన రోడ్డు ప్రమాదంలో తెలంగాణకు చెందిన ఓ యువతి చనిపోయింది. మృతురాలు యాదాద్రి జిల్లాకు చెందిన గుంటిపల్లి సౌమ్యగా స్థానిక పోలీసులు గుర్తించారు. కుటుంబ సభ్యులు తెలిపిన వివరాలు ప్రకారం సౌమ్య రోడ్డుపై నడుచుకుంటూ వెళ్తున్న సమయంలో అతివేగంతో వచ్చిన కారు ఢీకొట్టింది. దీంతో అక్కడికక్కడే మృతి చెందింది. సౌమ్య ఉన్నత చదువులు చదివేందుకు అమెరికా వెళ్లిందని తెలిపారు. చదువుతో పాటు పార్ట్‌టైం జాబ్‌ కూడా చేస్తుందని చెప్పారు. తమ బిడ్డ రోడ్డు ప్రమాదంలో దూరం కావడంపై తల్లిదండ్రులు కోటేశ్వరరావు, బాలమణి, కుటుంబసభ్యులు విలపిస్తున్నారు. మృతదేహాన్ని వీలైనంత త్వరగా ఇక్కడకు తీసుకొచ్చేందుకు సహకరించాలని వారు ప్రభుత్వానికి విజ్ఞప్తి చేశారు.