మూడు కీలక కమిషన్లకు ఛైర్మన్​లు నియామకం - బీసీ కమిషన్​ ఛైర్మన్​గా జి.నిరంజన్​

Telangana Govt Appointed New BC Commission Chairman : మూడు కీలక కమిషన్లకు ఛైర్మన్​లను రాష్ట్ర ప్రభుత్వం నియమించింది. బీసీ కమిషన్​తో పాటు కొత్తగా ఏర్పాటు చేసిన విద్య, వ్యవసాయ కమిషన్లకు కూడా ఛైర్మన్​లను నియమిస్తూ ప్రభుత్వం ఉత్తర్వులు జారీ చేసింది. బీసీ కమిషన్​ ఛైర్మన్​గా కాంగ్రెస్​ సీనియర్​ నేత జి. నిరంజన్ నియమితులయ్యారు. సభ్యులుగా రాపోలు జయప్రకాశ్​, తిరుమలగిరి సురేందర్​, ఓయూ విద్యార్థి నేత బాలలక్ష్మిని ప్రభుత్వం నియమించింది. రాష్ట్ర విద్యా కమిషన్​ ఛైర్మన్​గా విశ్రాంత ఐఏఎస్​ అధికారి ఆకునూరి మురళిని ప్రభుత్వం నియమించింది. రెండేళ్ల పాటు ఆయన ఈ పదవిలో కొనసాగుతారు. అలాగే వ్యవసాయ కమిషన్​ ఛైర్మన్​గా పార్టీ సీనియర్​ నేత కోదండరెడ్డి నియమితులైయ్యారు. త్వరలోనే విద్య, వ్యవసాయ కమిషన్​ సభ్యులను నియమించనున్నారు.