Task Force Police Caught 600 Quintals of PDS Rice : జనగామ జిల్లా జఫర్ గడ్ పోలీస్ స్టేషన్ పరిధిలో టాస్క్ఫోర్స్ పోలీసులు దాడులు నిర్వహించి, భారీగా పీడీఎస్ బియ్యాన్ని పట్టుకున్నారు. అక్రమంగా పీడీఎస్ బియ్యాన్ని నిల్వ చేశారన్న సమాచారంతో టాస్క్ఫోర్స్, జఫర్ గడ్ పోలీసులు సంయుక్తంగా దాడులు నిర్వహించారు. ఈ ఘటనలో సుమారు రూ.15,60,000 విలువ చేసే 600 క్వింటాళ్ల బియ్యాన్ని స్వాధీనం చేసుకుని సీజ్ చేశారు.
ప్రభుత్వం పేదలకు ఉచితంగా పంపిణీ చేస్తున్న రేషన్ బియ్యాన్ని కొందరు అక్రమార్కులు అక్రమంగా తరలిస్తున్నారని సమాచారం అందింది. దీంతో వరంగల్ పోలీస్ కమిషనర్ కిషోర్ ఝా ఆదేశాలతో టాస్క్ఫోర్స్ ఏసీపీ మధుసూదన్ ఆధ్వర్యంలో బాలాజీ రైస్ మిల్లు, వెంకటాపూర్ గ్రామంలో నిల్వ ఉంచిన అక్రమ బియ్యాన్ని స్వాధీనం చేసుకున్నారు.
