ఇంటికెళ్దాం లే నాన్నా - రోడ్డు ప్రమాదంలో మృతి చెందిన తండ్రి పక్కన కుమారుడి రోదన

Road Accident In Abdullapurmet : విజయవాడ జాతీయ రహదారిపై హృదయవిదారక ఘటన జరిగింది. అబ్దుల్లాపూర్‌మెట్టు ఇనాంగూడ వద్ద బైక్​ని డీసీఎం వాహనం ఢీ కొట్టింది. రెండు సంవత్సరాల కుమారుడు ముందే తండ్రి మృతి చెందాడు. తండ్రి మృతదేహం పక్కనే బాబు ఏడ్చుకుంటూ కూర్చున్నాడు. ఈ ఘటన అందరినీ కలచివేసింది. పాల ప్యాకెట్ కోసం కుమారుడితో బైక్​పై వెళ్తుండగా ఈ ప్రమాదం చోటుచేసుకుంది. బాబుకు కూడా మొహంపై గాయాలు కావడంతో హాస్పిటల్​కు తరలించారు. మృతుని కుటుంబ సభ్యులకు పోలీసులు సమాచారం అందించారు. అనంతరం మృతదేహన్ని పోస్టుమార్టం నిమిత్తం ఉస్మానియా ఆసుపత్రికి తరలించారు.