విద్యార్థినితో టీచర్‌ అసభ్య ప్రవర్తన - విద్యార్థుల ఆందోళనలో సీఐ, ఎస్సైకి గాయాలు

Parents Protest At Jeevadan School In Kamareddy : కామారెడ్డి జిల్లా కేంద్రంలోని జీవదాన్‌ పాఠశాల వద్ద ఉద్రిక్తత పరిస్థితి నెలకొంది. విద్యార్థినితో అసభ్యంగా ప్రవర్తించిన టీచర్‌ను శిక్షించాలంటూ డిమాండ్‌ చేస్తూ విద్యార్థుల తల్లిదండ్రులు ఆందోళన చేపట్టారు. ఈ క్రమంలో పోలీసులు, విద్యార్థుల తల్లిదండ్రులు, ఆందోళనకారుల మధ్య ఘర్షణ చోటుచేసుకుంది. ఘర్షణలో సీఐ చంద్రశేఖర్‌ రెడ్డి, ఎస్సై రాజారామ్‌కు గాయాలయ్యాయి. దీంతో ఆందోళకారులను అదుపు చేసేందుకు పోలీసులు లాఠీఛార్జ్‌ చేశారు.